aksjonskanalen
blir ofte brukt som ei samlenemning for ulike måtar folk kan påverke politiske avgjerder på, gjennom aksjonar og demonstrasjonar.
Ap (A)
vanleg forkorting for Arbeidarpartiet (Det norske Arbeidarparti – DNA) (1887).
avgjerd
regel, ”beslutning”. Etter behandlinga av ei lovsak blei vedtaka frå Odelstinget skrivne i ei avgjerd (besl O.). Denne avgjerda blei deretter behandla i Lagtinget. Ordninga med odelsting og lagting blei avvikla 1. oktober 2009. Lovforslag må no behandlast to gonger av Stortinget i plenum for at lova skal bli vedteken.
avgjerd i Lagtinget (besl. L.) (historisk omgrep)
i dei tilfella der Lagtinget skreiv ei avgjerd, innebar det at Lagtinget ikkje slutta seg til avgjerda i Odelstinget, og at saka derfor blei send til Odelstinget for ny behandling der. Vanlegvis dreidde dette seg om nokre få tilfelle i sesjonen når det blei oppdaga små feil i lovtekstane som hadde snike seg inn tidlegare i lovbehandlinga. Ordninga med lagting og odelsting blei avvikla 1. oktober 2009. Dagens lovmerknad erstattar avgjerd i Lagtinget. Lovmerknader er Stortingets eventuelle merknader ved andre gongs behandling av lovsaka i Stortinget.
avgjerd i Odelstinget (besl. O.) (historisk omgrep)
lovvedtaka frå Odelstinget blei skrivne i ei avgjerd (besl. O.). Avgjerda blei deretter behandla i Lagtinget. Ordninga med lagting og odelsting blei avvikla 1. oktober 2009. Dagens lovvedtak erstattar avgjerd i Odelstinget. Lovvedtak inneheld vedtaket etter første gongs behandling av lovsaka i Stortinget.
avgjerdsførleik
ved votering i vanlege saker må over halvparten av representantane vere til stades, mens to tredelar må vere til stades ved votering over grunnlovsforslag.