Odelstinget har samrøystes vedteke ei endring av pasientskadeloven som opnar for at Kongen i forskrift kan gi nærmare reglar om dekking av advokatutgifter ved pasientskader, mellom anna reglar om at statens offentlege salærsatsar skal brukast. Odelstinget har med røystene til Arbeidarpartiet, Høgre, Sosialistisk Venstreparti, Kristeleg Folkeparti, Senterpartiet og Venstre vedteke ei endring i pasientskadeloven som inneber at ein advokat som tek på seg eit oppdrag for ein klient som ønskjer å fremje eit krav mot Norsk pasientskadeerstatning (NPE), eller som klagar på NPEs vedtak til Pasientskadenemnda, ikkje kan ta imot betaling etter høgare timesatsar enn den offentlege salærsatsen. Odelstinget har samrøystes vedteke at søksmålsfristen for domstolsprøving av vedtak i Pasientskadenemnda forlengjast frå fire til seks månader. Lovendringane gjeld frå det tidspunktet Kongen fastset.

Lovsaka er ferdigbehandla

Tilråding levert 20.11.2008

Behandla i Odelstinget: 25.11.2008

Behandla i Lagtinget: 04.12.2008