Unn Aarrestad (Sp): Norge importerar storfekjøt gjennom GSP-ordninga frå Botswana og Namibia til om lag halvparten av prisen på norsk kjøt på marknaden. Ingen av desse landa står på FN si liste over MUL-land. Dette inneber dessutan at ein stor fortenestemargin i all hovedsak går til norske importørar. Det importskapte marknadsoverskotet representerer nå som fylgje av MUL-ordninga alvorlege marknadsforstyrringar. Når vil statsråden endra på dette?
Grunngiving
Mange bønder gjekk over til å driva med kjøtproduksjon etter oppfordring frå styresmaktene. Dette skulle m.a. avhjelpa mjølkeoverskotet. Nå er dekningsbidraget så lågt for mange av dei som driv med ammekyr og slaktedyr, at fleire bønder vurderar å slutta med dette. Ikkje minst er dette svært vanskeleg i sone 0.
Mange av desse bøndene kjem i ein vanskeleg situasjon sidan dei har bygningar som nå er innretta for kjøtproduksjon, og ikkje har mjølkekvote. I tillegg er det svært vanskeleg for bønder å ikkje vita kva vilkår ein kan planleggja etter framover.
I St.prp.nr.67 (Jordbruksoppgjeret 1998) står det: "Regjeringen vil evaluere GSP-ordningen og MUL-ordningen for å sikre at den mest mulig kommer utviklingslandene til gode."
I innstillinga frå Stortinget sin næringskomite heiter det: "Flertallet understreker at ordningen med MUL-import har bred støtte i Stortinget. Likevel finner flertallet det naturlig at det arbeides videre med fornuftige systemer i tilknytning til denne importen slik at en kan bidra til å nå ulike målsettinger. Dette gjelder både i forhold til å sikre at MUL-importen skaper verdier som kommer de ulike MUL-land til gode, men også at importen kan skje på en slik måte at eventuelle skadevirkninger for norsk landbruk begrenses i størst mulig grad."
Med bakgrunn i dette reknar eg med at statsråden vil gjera noko med dette nå.