Sigvald Oppebøen Hansen (A): Personar som er over 67 år har ikkje rett til dagpengar frå Aetat.
Kva er grunngjevinga for dette, vil statsråden ta initiativ for å endre regelverket, og meiner statsråden at dette er i tråd med avtala om eit inkluderande arbeidsliv?
Grunngiving
Personar som er over 67 år har ikkje rett til dagpengar frå Aetat ved arbeidsløyse. Følgjeleg har dei heller ikkje rett til dagpengar ved permittering. Dette medfører at dei som ønskjer å fortsette å arbeide til dei er 70 år, kan bli tvunge til å gå av med pensjon på eit tidlegare tidspunkt enn dei sjølv ønskjer. Det kan ikkje vere i tråd med intensjonen i avtala om eit inkluderande arbeidsliv at arbeidstakarar som har vilje og evne til å stå på nokon år ekstra i arbeidslivet, blir tvunge til å gå av med pensjon på grunn av at bedrifta dei arbeider i, for ein periode, blir nøydde til å permittere sine tilsette.