Petter Løvik (H): I Soria Moria-erklæringa heiter det: "Regjeringen vil stoppe privatiseringen og konkurranseutsettingen av drifts- og vedlikeholdsoppgavene i Jernbaneverket."
Betyr dette at Jernbaneverket sjølve skal ha fullstendig monopol også på arbeid der det i dag er ein godt fungerande marknad av private aktørar?
Grunngiving
Konkurranseutsetting har på mange område vore ein stor suksess. Med den bastante formuleringa i Soria Moria-erklæringa ser det ut som Jernbaneverket skal ha einerett utan omsyn til pris og kostnad, og at omsynet til å få betre og dermed tryggare jernbane for dei pengane vi bruker blir underordna.
Sentrum/Høgre-regjeringa gjennomførte ei historisk satsing på jernbane og hadde ein politikk som fokuserte på investering i infrastruktur kombinert med auka konkurranse. Om ein ikkje førar ein aktiv politikk for å bruke ressursane best mulig, blir påplussingar som dei raudgrøne har lova i samferdselssektoren, slukt av meirkostnader ved dels å reversere omstillingane og dels oppretthalde monopolistiske organisasjonar.