Hadia Tajik (A): Vil regjeringa ta initiativ til at det verdt nedsett eit digitalt sårbarheitutval (NOU), for å gjennomgå dei digitale sikkerheit- og beredskapsutfordringane i samfunnet på heilskapleg vis?
Grunngiving
Det er 14 år sia Sårbarhetsutvalget (NOU 2000:24), 8 år sia utvalet som vurderte kritisk infrastruktur (NOU 2006:6), og 5 år sia utredninga om personvern i det digitale samfunnet (NOU 2009:1).
Etterretnings- og sikkerheitstenestene har omtala angrep i “det digitale rom” som:
“[...] en av de raskest voksende truslene mot privatpersoner, næringsvirksomhet og offentlige institusjoner”.
Me har auka risiko for "digital sårbarheit” både privat og som samfunn. Noreg er i verdstoppen i internettbruk (nr 2 i verda etter Island), 2,2 millionar nordmenn brukar Facebook dagleg. Personvernutfordringa er større enn for berre få år sia, teknologien er i stor grad teke i bruk og internasjonale teleselskap sine vilkår er akseptert.
Me har konstatert trusselen, teke i bruk teknologien, men ikkje kome langt nok med tiltaka. Regjeringa bør setje ned eit digitalt sårbarheitsutval (NOU), for å gjennomgå dei digitale tryggleik- og beredskapsutfordringane i samfunnet på heilskapleg vis. På denne måten kan me få eit bredt fagleg grunnlag for å styrke og samordne beredskapen på det digitale feltet.