Liv Signe Navarsete (Sp): Kan statsråden stadfeste at dei demokratiske spelereglane vert følgde i oppfølging av Politianalysen, og at Politidirektoratet ikkje på eiga hand førebur strukturendringar, men avventar drøftingar og vedtak i Stortinget?
Grunngiving
I media i Sogn og Fjordane har det sist veke vore sitat frå politileiinga i fylket der ein forventar at Sogn og Fjordane politidistrikt vert slått saman med Hordaland politidistrikt.
Dette vart sagt med bakgrunn i kva ein ser føregår i organisasjonen, det vil seie Politidirektoratet. Det er også sagt at det ein ser tydelege føringar om retninga og antyda at Politidirektoratet er komne langt i å førebu strukturelle endringar.
I høyringa til Politianalysen går politimeisteren i Sogn og Fjordane inn for ein fylkesmodell der Sogn og Fjordane får behalde eige politidistrikt. Det same har Fylkesmannen, fylkeskommunen, KS og dermed kommunane i fylket gjort.