Gerd Eli Berge (Sp): Kan statsråden gje ei oversikt over andelen personar som er innvandrarar i samsvar med noverande SSB-def. og personar med fire utanlandsfødde besteforeldre i Noreg, for kvart fylke, i byane Oslo, Bergen, Trondheim, Stavanger, Tromsø og Drammen og i bydelane i Oslo for perioden 1994-2014, og kan statsråden synleggjera tilsvarande tal med framskrivingar til 2040 både i samsvar med SSB sine tre hovudalternativ og med eit alternativ der innvandringa framover er lik gjennomsnittleg innvandring dei siste fem åra?
Grunngiving
Demografien i Noreg har endra seg mykje dei siste åra og er framleis i stor endring. God kunnskap om framtidig demografi er viktig m.a. i planlegging av framtidig økonomisk politikk. Det blir bede om at statsråden i sitt svar på andel innvandrarar i fylke, byar og bydelane i Oslo viser landbakgrunnen til innvandrarar og til personar med fire utanlandsfødde besteforeldre fordelt på i) Norden, ii) Vest-Europa utanom Norden og Tyrkia, iii) EU-land i Aust-Europa, iv) Nord-Amerika og Oseania, v) Asia, vi) Afrika og vii) Sør- og M.-Amerika. I svaret som går på folketalsframskrivingar må gjerne statsråden bruka kategoriane R1, R2 og R3, slik SSB gjer i sine folketalsframskrivingar.