Jenny Klinge (Sp): Oppfattar statsråden at lokale aktørar som kommunar, tomteeigarar og andre relevante aktørar er tilstrekkeleg orienterte og involverte i prosessen, og når meiner statsråden at ein kan starte bygginga av nye fengsel i Agder?
Grunngiving
Det er vedteke at det skal byggjast nye fengsel i Agder. Det er viktig å klårgjera framdrifta overfor relevante aktørar som skal bidra på ulikt vis, det vera seg med undervisning og andre offentlege tenester, samt tomter og eventuelle nye veganlegg. Ting tek tid, og det er ein fordel om arbeidet med å leggje til rette for nye fengselsplassar skjer effektivt. Arbeidsløysa stig også i Agder, og nye, store prosjekt som likevel skal byggast, er viktige å setje i gang tidleg.