Ingrid Heggø (A): I samanheng med skatteendringar for transportnæringane, mellom anna på årskort for tilsette i busselskapa som også gjeld framforhandla tariffavtalar for pensjonistene, er regjeringa samde i at det vert urimelig å innføre nye skatteregler på frikort for pensjonistane?
Grunngiving
Endringa i reglar for skattlegging av naturalytelser var lite utreda. Kva konsekvensane vart for dei ulike endringsframlegga mangla i mange tilfeller, noko som gjorde at reglane er endra i ettertid og for transportnæringa er regelendringane utsett to gonger. Likevel verkar det som om reglane framleis ikkje er klare for transportselskapa og pensjonistane i transportselskapa. Det er etter nye reglar arbeidsgjevar som skal innrapportere og korleis ei håndheving av innraporteringsplikta for pensjonistar skal verte er vanskelig å finne ut av. I tillegg har pensjonistane hatt dette som del av lønna i form av tariffavtale eller praksis så lenge dei var i arbeid, og det kan sjåast på som å ta bort eit gode som er betalt for iform av lågare løn den gong ein var i arbeid. Dette er å gje tilbakevirkende kraft sidan pensjonistane ikkje kan reforhandle avtalane.