Lene Vågslid (A): Kva vil statsråden gjere for å forhindre denne årlege usikkerheiten avdelinga i Fyresdal er utsatt for, og vil statsråden forsikre at avdelinga ikkje blir lagt ned i 2020?
Grunngiving
Avdeling Kleivgrend ved Arendal fengsel i Fyresdal og deira ansatte opplever spørsmålet om nedlegging årleg. I budsjettforliket som blei inngått mellom dåverande regjeringsamansetting og KRF for 2019 vart Kleivgrend igjen redda frå nedleggelse gjennom bevilgning for 2019.
Kleivgrend har i dag fult belegg i avdelinga. Innsattekategorien har endra seg ein del dei siste åra, då ein stor del i dag er innsatte dømt for sedeligheitsforbrytelsar. Ifølgje tillitsvalgte ved avdelinga utgjer desse om lag 30 %. Sett i lys av Sivilombudsmannens kritiske rapport om isolering er Kleivgrend eit svar på korleis ein kan gjennomføre soning på ein betre måte og der ein rapporterer om eit minimum av uønska hendingar.
Pr. dags dato står Kleivgrend utan leiekontrakt, som ifølgje tillitsvalgte skapar stor usikkerhet ved fengselet. Ein fryktar igjen at dette betyr nedleggelse. Ifølgje tillitsvalgte ved Kleivgrend har dei fått informasjon om at det ikkje er aktuelt å forlenge leigekontrakta lenger enn til 31.12.19. Andre fengsel i landet har kontrakt med Statsbygg på 10 år, med 1 års gjensidig oppsigelse.