Liv Signe Navarsete (Sp): Er dei nye standardane for snøbrøyting forankra i Samferdselsdepartementet, og vil ministeren ta initiativ til å gjere dei om slik at trafikktryggleik og framkomelegheit vert styrande mål for snøbrøyting heller enn teoretiske modellar som skal gje økonomiske innsparingar?
Grunngiving
NRK kunne i dag melde om at Vegdirektoratet har gitt nye retningsliner for snøbrøyting, der ein på vegar med høvesvis lite trafikk kun skal brøyte kvar tredje time. Dette uroar sjølvsagt folk som bur i område med vanskelege vertilhøve, smale vegar og der det alt med dagens standard for snøbrøyting ofte er vanskeleg å ta seg fram.