Liv Signe Navarsete (Sp): Kva er den årlege kostnaden for Noreg og kor mange årsverk i offentleg verksemd går med til å hjelpa i førebuing, implementere og følgje opp EU-direktiv og forordningar inn i det norske lovverket?
Grunngiving
Stortinget mottok i juni 2020 brev med halvårleg informasjon om antatt EØS-relevant EU-regleverk. Den første lista inneheld føreslått EU-rettsaktar med antatt EØS-relevans, forslag til rettsaktar under handsaming i Europaparlamentet og Rådet (europaparlaments- og rådsrettsaktar). Den andre lista inneheld føreslått EU-rettsaktar med antatt EØS-relevans, forslag til rettsaktar under komitéhandsaming eller sendt til Europaparlamentet og Rådet for klarering (kommisjonsrettsaktar, kommisjonsgjennomføringsrettsaktar og delegerte kommisjonsrettsaktar). Den tredje lista inneheld vedtekne EU-rettsaktar med antatt EØS-relevans. For Noreg er det både ressurskrevjande og kostbart å implementere EU-rettsaktar inn i det norske regelverket. Det er difor av interesse å vite omfang av kostnad og ressursbruk.