Skriftleg spørsmål fra Tor André Johnsen (FrP) til klima- og miljøministeren

Dokument nr. 15:2142 (2019-2020)
Innlevert: 30.06.2020
Sendt: 30.06.2020
Svart på: 07.07.2020 av klima- og miljøminister Sveinung Rotevatn

Tor André Johnsen (FrP)

Spørsmål

Tor André Johnsen (FrP): Kan statsråden vise hvilket tallgrunnlag regjeringen legger til grunn for et scenario der andelen el-biler fortsetter å vokse på dagens nivå, og hvilke endringer i utslippsnivå vi da kan forvente i 2025 og 2030?

Grunngiving

Norge har den høyeste andelen utslippsfrie biler på veiene, og markedsandelen for el-biler/plug-in hybrid biler er veldig høy. Statistikk fra Statens Vegvesen bekrefter at salg av bensin og diesel går markant ned, og sammensetningen av bilparken legger grunnlaget for betydelige kutt i utslipp og støy i løpet av de neste årene. Fremtidsforskere som Tony Seba sier teknologiutviklingen nå bidrar til kraftige utslippskutt. Markedet viser at det leveres store forbedringer i ytelse og reduksjon i pris for både el-biler, batterier, ladeinfrastruktur, produksjon av fornybar energi etc. – at resultatene vil komme. Likevel gir flere såkalte «miljøpolitikere» fortsatt inntrykk av at kampen mot bilen og bilister må intensiveres om man skal oppnå utslippskutt. Utviklingen viser en slik kamp mer vil innta en symbolmessig karakter, og være unødvendig utfra en realitetsvurdering.

Sveinung Rotevatn (V)

Svar

Sveinung Rotevatn: Det er riktig som stortingsrepresentant Tor André Johnsen skriv at Noreg har ei utbreiing av elbilar som langt overgår landa rundt oss. Til no i år har i underkant av halvparten av nye personbilar vore elektriske. Regjeringa har som mål at alle nye personbilar har nullutsleppsteknologi i 2025. Vi er på god veg til å nå målet.
I Nasjonalbudsjettet 2019 blei det lagt fram nye framskrivingar av norske klimagassutslepp. I tråd med internasjonale retningslinjer er framskrivinga basert på at dagens innretning av klimapolitikken, både i Noreg og internasjonalt, førast vidare uendra. Framskrivingane er våre beste anslag på korleis utsleppa av klimagassar vil utvikle seg i åra framover, gitt føresetnadene om økonomisk aktivitet, teknologisk endring og korleis dagens klimapolitikk påverkar utsleppa i Noreg. I Nasjonalbudsjettet 2020 blei framskrivinga justert for ny energibalanse og utviklinga i salet av elbilar. I desse framskrivingane blei det lagt til grunn at 62,5 prosent av nye personbilar i 2025 er elektriske og at 75 prosent er det i 2030. Regjeringa arbeider med å oppdatere framskrivingane av klimagassutslepp og vil kome tilbake til Stortinget om dette på eigna tidspunkt.
I januar i år blei Klimakur 2030 lagt fram av Miljødirektoratet, Statens vegvesen, Kystverket, Landbruksdirektoratet, Noregs vassdrags- og energidirektorat og Enova. Rapporten anslår blant anna at dersom alle nye personbilar er elektriske innan 2025 vil det kunne gi ytterlegare reduksjon i utsleppa på meir enn 2,5 millionar tonn CO2-ekvivalentar i perioden 2021-2030 samanlikna med framskrivinga i Nasjonalbudsjettet 2020.
Regjeringa vil halvere klimagassutsleppa frå transportsektoren innan 2030, og det blir svært krevjande utan ei stor innfasing av elbilar. Samtidig er det viktig at vi ser ei utvikling innan andre segment i transportsektoren i retning av nullutsleppsteknologi. For å nå måla er vi avhengige av teknologi som vert utvikla internasjonalt. Vi skal også legge til rette for attraktive byar gjennom satsing på kollektivtilbod og infrastruktur for sykkel og gonge. Regjeringa vil kome tilbake til desse spørsmåla i samband med at vi skal legge fram ei stortingsmelding med ein plan for å oppfylle Noregs utsleppsforplikting med EU og regjeringas mål frå Granavolden-plattforma om 45 pst reduksjon i innanlandske ikkje-kvotepliktige utslipp.