Ingrid Heggø (A): Stortinget har vedteke fritak for elavgift for solenergi til eige forbruk avdi ein ønska meir solenergi. Finansdepartementet krev elavgift frå burettslag for solenergi som burettslaget sjølv produserer dersom dei ikkje distribuerer via eige nett, noko som er ulovleg pga monopol.
Korleis og når vil finansdep. endre denne forskrifta slik at den ikkje lenger er til hinder for gode solcelleprosjekt, og såleis oppfylle Stortinget sitt ønske om meir solcelleenergi?
Grunngiving
Stortinget vedtok i 2017 at solcellekraft til eige bruk skal vera friteke for elavgift. Dette avdi Stortinget var klar på at ein ønska meir solkraft. Likevel er det komme ei forskrift som i praksis stansar solenergianlegg bla i burettslag. Denne forskrifta krev at avgiftsfritak for solcelle straum er avhengig av at det vert bygd eit internt kraftnett i burettslag som distribuerer straumen rundt i bygget. Energilova ser på nettutbygging som ei monopoloppgåve og forbyr oppbygging av parallelle nett. Oslo kommune gjev tilskot til bruk av solenergi, men finansdepartementet sine forskrifter stopper gode prosjektet, og er etter mitt syn ikkje i tråd med Stortinget sin vilje om å få meir solenergi, ved å la også solenergi vere friteke frå elavgift. Frå før var små vind og vasskraft friteke. Vi kunne lese i DN den 4. januar om Funkisgården på Torshov i Oslo, der prosjektet vert stoppa nettopp av denne forskrifta.