Spørsmål
Bård Vegar Solhjell (SV): Statens vegvesen gjennomfører ei konseptvalutgreiing for nytt oslofjordsamband. I sluttfasen av arbeidet ser ein på fire konsept. Minst to av desse, bru eller tunnel Moss-Horten og eit samband over sørspissen av Hurumlandet, kjem i konflikt med nasjonale verneområde på Jeløya og i Vestby. I skriftleg svar til meg av 24. februar held statsråden det opent om traseen kan gå gjennom område med nasjonalt vern.
Betyr det at regjeringa er open for å legge store vegprosjekt gjennom verna område, til dømes i Moss eller Vestby?