Den 14. desember 2011 blei ein overeinskomst mellom
Kongeriket Noreg og Den Orientalske Republikken Uruguay om opplysningar
i skattesaker underskriven i Paris. Samtykke til underskriving blei
gitt ved kongeleg resolusjon av 18. november 2011. Overeinskomsten
blei på vegne av Noreg underskriven av ambassadør Tarald O. Brautaset
og på vegner av Den Orientalske Republikken Uruguay av ambassadør Omar
Mesa. Overeinskomsten vil tre i kraft 30 dagar etter at begge partane
har gitt kvarandre melding om at nødvendige skritt er tekne for
at avtala kan tre i kraft. Avtala får verknad for straffbare skattesaker
frå denne datoen og for andre saker frå og med det skatteår som
byrjar på eller etter 1. januar i det kalenderåret som fylgjer
etter det året da avtala trer i kraft.
Organisasjonen for økonomisk samarbeid og utvikling,
OECD, vedtok den 9. april 1998 ei tilråding om tiltak mot skadeleg skattekonkurranse.
Tiltaket tok i hovudsak sikte på å avvikle skadelege skatteregime
i medlemslanda, men peikte også på behovet for å treffe sameinte
mottiltak mot tilsvarande skatteregime i dei såkalla skatteparadisa.
Innan utløpet av 2005 var alle skatteregime
i medlemslanda som var definerte som skadelege etter dei vedtekne
kriteria, endra eller under avvikling som føresett. I mellomtida
blei det teke kontakt med alle jurisdiksjonar som ein meinte var
omfatta av kriteria for å utgjere eit skatteparadis. Det blei her
gjort greie for prosjektet til OECD og invitert til dialog. Dersom
eit definert skatteparadis var villig til å opne for innsyn og effektiv
informasjonsutveksling med medlemslanda til OECD, ville det ikkje
bli ført opp på lista over ikkje-samarbeidsvillige skatteparadis
som vil kunne bli utsett for mottiltak.
Uruguay var av ymse grunner ikkje blant dei
38 jurisdiksjonane som opphavleg blei definerte som skatteparadis
og som blei bede om å gje ei politisk bindande erklæring om innsyn
og informasjonsutveksling til generalsekretæren i OECD. Sidan Uruguay
oppfyller kriteria for skatteparadis, tok dei nordiske landa initiativ
til at og Uruguay skulle inngå avtaler for effektiv informasjonsutveksling
i skattesaker bygd på OECD sin modellavtale. Denne forpliktar avtalepartane
til å utveksle alle relevante opplysningar som vurderast naudsynte
om eigarskap og transaksjonar, og frå bankar, finansinstitusjonar,
advokatar og andre rådgjevarar.
For å framskynde prosessen og for å gi dei nordiske
landa større tyngd i forhandlingane vedtok Nordisk Ministerråd i
juni 2006 å etablere eit felles nordisk prosjekt for den tekniske
gjennomføringa av forhandlingar av slike avtaler. Det er nå gjennomført
slike felles forhandlingar med ei rekkje jurisdiksjonar. I alle
tilfelle skal forhandlingane resultere i utkast til bilaterale avtaler
mellom vedkommande jurisdiksjon og kvart av dei sju nordiske landa,
medrekna Færøyane og Grønland. Ei rekke avtaler er nå underskrivne.
Frå norsk side har arbeidet vore leia av avdelingsdirektør Per Olav
Gjesti, Finansdepartementet. Han har også leia styringsgruppa for
prosjektet.
Avtala er inngått på norsk, spansk og engelsk. Som
vedlegg til proposisjonen følgjer utkastet til den norske og engelske
teksten.
Komiteen, medlemmene fra Arbeiderpartiet,
Gunvor Eldegard, Irene Johansen, Gerd Janne Kristoffersen, lederen Torgeir
Micaelsen, Knut Storberget, Dag Ole Teigen og Laila Thorsen, fra Fremskrittspartiet,
Jørund Rytman, Ketil Solvik-Olsen, Kenneth Svendsen og Christian
Tybring-Gjedde, fra Høyre, Arve Kambe, Jan Tore Sanner og Eli Skoland,
fra Sosialistisk Venstreparti, Lars Egeland, fra Senterpartiet, Per
Olaf Lundteigen, fra Kristelig Folkeparti, Hans Olav Syversen, og
fra Venstre, Borghild Tenden, slutter seg til regjeringens
forslag om samtykke til å sette i kraft overenskomsten om opplysninger
i skattesaker mellom Norge og Uruguay.
Komiteen viser til
proposisjonen og rår Stortinget til å gjøre slikt
vedtak:
Stortinget samtykker til å sette i kraft
en overenskomst mellom Norge og Uruguay om opplysninger i skattesaker
underskrevet i Paris 14. desember 2011.
Oslo, i finanskomiteen, den 16. februar 2012
Torgeir Micaelsen |
Gerd Janne Kristoffersen |
leder |
ordfører |