Finn Kristian Marthinsen (KrF):
Jeg
tillater meg å stille følgende spørsmål til kirke-, utdannings- og
forskningsministeren:
Dersom elevtallet på første
klassetrinn overstiger 46 elever, vil det kunne utløse 4 pedagoger. Men det
vil også ved skjevfordeling, for eksempel 28-18, medføre 3 pedagoger.
Mener statsråden det vil være riktig å
velge det alternativ som gir størst pedagogdekning for elevene, for eksempel
23-23, eller må man fylle opp en klasse til 28 med 2 pedagoger og den andre
klassen med 18 elever som gir 1 pedagog?
Statsråd Jon Lilletun:
§ 5 i
grunnskulelova stiller krav om minst to pedagogar i klassar med 6-åringar
som har meir enn 18 elevar. Lova er ikkje til hinder for at kommunen
organiserer 6-åringane i klassar med 18 og 28 elevar, slik representanten
Marthinsen skisserer. Dei to klassane må då ha tre pedagogar til saman.
Som representanten Marthinsen er kjend
med, står kommunen fritt til å vurdere ulike organisatoriske løysingar
innafor dei lovene og forskriftene som er vedtekne av nasjonale
myndigheiter. Dette er eit grunnleggjande prinsipp i det norske
styringssystemet, som bl.a byggjer på at enkelte forhold blir best vurderte
lokalt. Slik vil det også vere med spørsmålet om klassedelinga for
6-åringane.
Når kommunen i ei sak som dette held
seg innafor lova, vil ikkje departementet ha heimel til å overprøve
kommunen. Det har aldri vore noko pålegg til kommunane at elevane på eit
klassetrinn skal organiserast i tilnærma like store klassar. Det har heller
ikkje vore stilt noko slikt krav i samband med organiseringa av den nye
førsteklassen. Ulike klassestorleikar kan vere grunngjeve med t.d spesielle
forhold knytte til enkeltelevar og busetjingsmønster. Slike forhold må ein
nødvendigvis vurdere og ta stilling til lokalt. Kommunen vil måtte ta ei
samla vurdering med omsyn til både økonomi og pedagogikk. Eg finn det
derfor vanskeleg å seie kva alternativ ein bør velje ved klassedeling.
Finn Kristian Marthinsen (KrF):
Jeg
takker statsråden for svaret.
Når kommunene sender inn sine forslag
til departementet om antall elever og klasser og man får tildelt ressurser
ut fra dette oppsettet, og man eventuelt går ut fra fordelingen 23-23 i det
nevnte eksempel og får tildelt midler for fire pedagoger, står da
skoleadministrasjonen fritt til å vurdere hvorvidt de ønsker å forholde seg
til det de sendte inn? Eller kan de i etterkant si at de skjevfordeler 28-18
og bruke de midlene som skulle være til den fjerde pedagogen, på andre
tiltak i skolen?
Statsråd Jon Lilletun:
Når ein
overfører pengar til kommunesektoren, til grunnskulen, er pengane overførte
etter såkalla objektive kriterium. Desse kriteria er ikkje så spesifikke at
dei går på kor mange klassar. Den einaste gongen departementet har bede om
å få inn den typen opplysningar, var med omsyn til tilskottet til nye
klasserom i samband med 6-åringsreforma. Elles skjer denne tildelinga etter
objektive kriterium, og då vil det vere opp til kommunen. Det kan mange
gonger vere god grunn til å ha ei klassedeling, slik representanten
Marthinsen seier, for å styrkje det pedagogiske arbeidet i skulen. Det kan
vere forskjellige lokale forhold som tilseier det. Men det vil ikkje
påverke utløysinga av statlege midlar om ein organiserer det slik at det
vert nytta tre eller fire pedagogar lokalt.