Komiteens utkast til innstilling har vært forelagt utenriks- og forsvarskomiteen til uttalelse, jf. vedtak i Stortinget av 26. mai 2015.

Utenriks- og forsvarskomiteen uttaler følgende i brev av 10. juni 2015:

«Utenriks- og forsvarskomiteen viser til transport- og kommunikasjonskomiteens utkast til innstilling datert 4. juni 2015 vedrørende Prop. 123 S (2014-2015) Samtykke til godkjenning av EØS-komiteens beslutning nr. 28/2015 av 25. februar 2015 om innlemmelse i EØS-avtalen av forordning (EU) nr. 452/2014 om fastsettelse av tekniske krav og administrative framgangsmåter for luftfartsvirksomhet utøvd av tredjestatsoperatører.

Komiteens flertall, medlemmene fra Arbeiderpartiet, Høyre, Fremskrittspartiet og Venstre viser til transport- og kommunikasjonskomiteens utkast til innstilling vedrørende Prop. 123 S (2014-2015) og har ingen ytterligere merknader.

Senterpartiet og Sosialistisk Venstreparti sine medlemer i komiteen merkar seg at det i proposisjonen ikkje kjem fram opplysningar som tyder på at dagens praksis, der Luftfartstilsynet har ansvaret for å kontrollere og gje autorisasjon for flysikkerheit til tredjelandsoperatørar, ikkje tek vare på flytryggleiken i Noreg på ein god måte.

Desse medlemene vil peike på at det heller ikkje ser ut til at regjeringa har prøvd ovanfor EU å sikre at Noreg held på det mynde me så langt har hatt på dette området. Når ein ikkje ser klåre teikn til veikskap med dagens ordning, burde det vere sjølvsagt at ei kvar norsk regjering vil prøve å vareta Noreg sin suverenitet og sjølvråderett. Desse medlemene meiner regjeringa her har vist manglande vilje til å halde fast på norsk sjølvråderett.

Desse medlemene ser det som problematisk at regjeringa legg opp til ei løysing der Noreg gjev frå seg suverenitet utan ein meir omfattande og prinsipiell debatt om spørsmålet. Den korte tidsramma for handsaming av denne saka er ikkje eigna til å handsame den på ein så grundig måte som naudsynt.

Desse medlemene merkar seg at regjeringa legg opp til at Stortinget skal gje sitt samtykke til EØS-komiteens avgjerd etter Grunnlova § 26 andre ledd. Ei kvar avståing av norsk suverenitet krev bruk av § 115 i Grunnlova, som krev ¾ fleirtal for at Noreg kan gje frå seg råderett på eit sakleg avgrensa område. Det står ikkje står noko i Grunnlova om at ei «mindre suverenitetsavståing» eller ei avgrensa overføring av mynde kan gjerast ved bruk av § 26 gjennom eit simpelt fleirtal i Stortinget. Desse medlemene vil peike på at Stortinget har utvikla ein praksis med å sjå bort frå § 115 sjølv om det ikkje finst noko dekning for ein slik praksis i Grunnlova.

Desse medlemene peiker på at Grunnlova § 115 fyrste avsnitt krev at Noreg er «tilslutta eller sluttar seg til» den internasjonale organisasjonen som får overført kompetanse å utøve makt i Noreg og som etter Grunnlova elles er lagt til norske statsorgan. Dersom dette vilkåret ikkje er oppfylt i den konkrete saka kan ikkje Stortinget bruke § 115. Desse medlemene viser til Prop. 123 S (2014-2015), som slår fast at Noreg ikkje vil ha røysterett og dermed ikkje vil delta på lik line med andre EU-statar i avgjerdprosessane i EASA. Noreg kan difor ikkje reknast å vere tilslutta EASA i tråd med kravet i Grunnlova § 115.

Desse medlemene vil på dette grunnlaget hevde at Stortinget, ut i frå Grunnlova, ikkje har høve til å slutte Noreg til EASA. For å kunne gjere dette må anten regjeringa syte for at Noreg får like retter som dei andre EU-landa som er tilslutta EASA, eller så må Stortinget gjere eit vedtak etter Grunnlova § 121, som medfører ei endring av Grunnlova.

Desse medlemene viser på dette grunnlaget til at Stortinget ikkje kan slutta Noreg til EASA. Dersom Stortinget ynskjer å slutte Noreg til EASA må saka sendast attende til regjeringa, slik at regjeringa kan sikre Noreg røysterett og fulle rettar som medlem av EASA.

Komiteens medlem fra Kristelig Folkeparti, viser til det initiativ som er tatt for å vurdere praksis med hensyn til overføring av vedtakskompetanse som er «lite inngripende» i Grunnlovens kompetanseregler. Dette medlem mener overføringen av vedtakskompetanse til EASA illustrerer betydningen av at det nå blir gjort en prinsipiell gjennomgang av denne praksisen og ber regjeringen komme tilbake til Stortinget med dette på egnet måte.»