Valgerd Svarstad Haugland (KrF):
Eg
tillet meg å stilla fylgjande spørsmål til kyrkje-, utdannings- og
forskingsministeren:
Lærarskulestudentar som alt har
mellomfag i kristendomskunnskap (30 vekttal) har fått avslag på søknad om
fritak for eksamen i kristendomskunnskap tilsvarande 5 vekttal.
Vil statsråden ta initiativ slik at
studentar kan unngå å måtta ta ny eksamen i fag dei alt har oppnådd
kompetanse i?
Statsråd Gudmund Hernes:
Kristendomskunnskap med livssynsorientering er eit obligatorisk fag i
allmennlærarutdanninga, og unntak kan berre gjerast for studentar som søkjer
fritak for faget av overtydingsgrunnar. Faget er organisert som tre
studieeiningar som byggjer på kvarandre, og som til saman utgjer eitt års
studium, eller 20 vekttal. Kristendomskunnskap med livssynsorientering 1,
tilsvarande 5 vekttal, er obligatorisk, medan dei to neste er valfrie.
Undervisninga i kristendomskunnskap må
følgje den rammeplanen for faget kristendomskunnskap med livssynsorientering
som gjeld for allmennlærarutdanninga. Studentar som har faget
kristendomskunnskap som grunnfag eller mellomfag frå før, kan søkje om å få
godkjent tidlegare eksamenar som del av allmennlærarutdanninga. Den
aktuelle høgskolen må i kvart tilfelle vurdere den planen desse studentane
har følgt, opp mot rammeplan for kristendomskunnskap med livssynsorientering
i allmennlærarutdanninga. Dersom det er stor grad av overlapping mellom
desse planane, vil studentane kunne få fritak for delar av faget. Om dei
vil måtte gå opp til eksamen i faget eller ikkje, vil avhenge av graden av
samsvar mellom dei to planane.
Etter retningslinjene for fritak og
innpassing av utdanninga frå andre institusjonar skal studium og eksamenar
som er avlagde i samsvar med rammeplan for allmennlærarutdanninga,
automatisk gi fritak ved flytting frå ein høgskole som gir
allmennlærarutdanning, til ein annan. Andre fritak vert i utgangspunktet
ikkje gitt for dei obligatoriske faga i allmennlærarutdanninga. I den
valfrie delen av utdanninga kan fritak for andre fag som er relevante for
undervisninga i grunnskulen, godkjennast, t.d. kristendomskunnskap og fag
innan det pedagogiske arbeidsområdet.
Den obligatoriske 5-vekttalseininga
skal kvalifisere for undervisning i det obligatoriske faget i grunnskulen,
medan dei valfrie påbyggingsstudia vil styrkje det faglege grunnlaget for
slik undervisning. Den obligatoriske delen er såleis nært knytt til stoffet
i grunnskulen sine fagplanar og til arbeidet med grunnskolen sitt
verdigrunnlag og oppdragaransvar. Heilt sentralt i det obligatoriske
studiet står òg fagdidaktiske problemstillingar med utspring i konkrete
undervisningsoppgåver innafor dei einskilde hovudemna.
Dette gjeld alle dei obligatoriske
faga i allmennlærarutdanninga. Det som særpregar fag i lærarutdanninga, er
at praksis og fagdidaktikk er ein integrert del av faget. Det heiter t.d. i
rammeplan for kristendomskunnskap med livssynsorientering:
Praksis
er en sentral del av faget. Slik praksis forutsetter et nært samarbeid mellom
øvingslærer, faglærer og pedagogikklærer. Studentene skal lage framlegg til undervisningsopplegg
over bestemte tema som så drøftes og vurderes av medstudenter og lærere.
Det heiter vidare at mønsterplan for
grunnskulen og lokale læreplanar må vere utgangspunktet for val av tema for
undervisningsopplegga. Vanlegvis vil kristendomsfaget t.d. frå universitet
ikkje innehalde desse elementa, og dermed ikkje gi same kompetanse for å
undervise i grunnskulen som det faget som det blir undervist i innafor
allmennlærarutdanninga.
Etter mi vurdering er det ikkje
aktuelt å gå bort frå kravet om praksis og fagdidaktikk som integrert del av
dei obligatoriske faga i allmennlærarutdanninga. Når det gjeld det
kristendomsfaglege, har mellomfagsstudentar klart ei større fordjuping. Når
det gjeld førebuing for lærargjerninga i grunnskulen, kan dette vere ein del
av t.d. den valfrie delen av eit mellomfagsstudium. Der dei didaktiske
omsyna er stetta som del av eit mellomfag, bør det gje grunnlag for fritak.
Valgerd Svarstad Haugland (KrF):
Eg
takkar statsråden for svaret, spesielt den siste delen, der statsråden
peikar på at det er visse ting som bør gjelda for fritak. Den konkrete saka
som eg har hengt meg opp i, gjeld fem unge studentar ved Høgskolen i Oslo
som har søkt om fritak. Dei har kristendom mellomfag, som fyller
allmennlærarutdanningas krav til didaktisk og pedagogisk kompetanse.
Likevel fekk dei avslag på søknaden om fritak då skulen søkte.
Samstundes veit vi at høgskulen i
Trøndelag har gitt studentar i tilsvarande situasjon fritak på same
grunnlag. Eg vonar at statsråden tar opp igjen denne saka og gir eit
positivt svar til Høgskolen i Oslo, slik at desse fem studentane som eg
kjenner til, kan bruka tida si til noko meir fornuftig enn å ta opp att ein
del av den lærdomen som dei har fått før, og som dei kanskje har praktisert
vel så mykje og har vel så god kunnskap i som medstudentane som skal ta sine
5 vekttal.
Statsråd Gudmund Hernes:
Med det
politiske utgangspunkt som representanten Svarstad Haugland har, går jeg
ikke ut fra at hun forutsetter at skriften bør leses bare en gang. Når det
gjelder de krav som reises her, skal jeg gjerne ta det opp med Høgskolen i
Oslo. Det er ellers en spesiell norsk idrettsgren å påpeke at der hvor man
behandler folk ulikt, bør man se til å få en felles ordning for alle. Som
jeg sier: Der hvor kravene som allmennlærerutdanningen stiller, er oppfylt
på annen måte, bør det ikke være nødvendig å ta noe opp igjen. Men når det
gjelder skriften, er det kanskje et annet syn som kan gjøres gjeldende.