Spørsmål 25
Trond Mathisen (A):
Jeg skal få stille
et spørsmål til kirke-, utdannings- og forskningsministeren:
I St.prp.nr.1 (1992-1993) fremgår det
at grunnutdanningen for brannfolk i Sør-Norge og visse spesialkurs m.v. er
tenkt gjennomført ved Tjeldsund og de regionale kurssentra i Borre og
Haugesund.
Hvilke muligheter ser statsråden for
videre utbygging i Borre med tanke på å gjøre dette til et regionalt
kurssenter, slik departementets egen strukturplan legger opp til?
Statsråd Reidar Sandal:
I samband med
vedtak hausten 1990 om å flytte Norges Brannskole til Tjeldsund i Nordland
orienterte departementet Stortinget om at ein tok sikte på å organisere den
framtidige brannvernutdanninga i ein struktur der hovuddelen av
befalsutdanninga og grunnopplæringa for personell i Nord-Noreg blei lagd til
Norges Brannskole sitt hovudsete i Tjeldsund. Grunnutdanninga for brannfolk
i Sør-Noreg og visse spesialkurs m.v. var tenkt gjennomført ved dei
regionale kurssentra i Borre og Haugesund. Departementet har vidare meint
at hovudsetet i Tjeldsund skulle vere ferdig utbygt før ein tok til med
utbygginga av dei regionale sentra i Borre og Haugesund.
Det har teke noko lengre tid enn ein
før rekna med, å få anlegget i Tjeldsund ferdig utbygt til eit fullverdig og
funksjonelt anlegg. Det er dessutan frå styret si side nyleg lagt fram
planar om ei utviding av byggeprogrammet ved Norges Brannskole utover den
ramma på 40 mill. kr som blei fastsett ved flyttinga av skulen våren 1992.
Leiinga ved skulen har i samband med desse planane sagt at ein ikkje reknar
skulen som funksjonell og komplett før desse planane er realiserte. Dei nye
og utvida planane om utbygging av anlegget i Tjeldsund er av Statsbygg
vurderte til å koste mellom 17 mill. og 18 mill. kr.
Eg viser til at Regjeringa i
St.prp.nr.1 (1995-1996) seier at gjennomføringa av den påtenkte utbygginga
av anlegg for brannvernutdanning i Borre og Haugesund « må vurderes ut fra den
kapasitet som nå kan tilbys i Tjeldsund ». Departementet greier no nærare ut
behovet for anlegg til brannvernutdanning i Borre og Haugesund sett i lys av
kapasiteten ved Norges Brannskole i Tjeldsund. Dei førebels utrekningane
over kostnadene ved utbygging av anlegga i Borre og Haugesund viser at det
vil bli kostnadskrevjande prosjekt, både på investerings- og driftssida.
Det er her tale om små, men kostbare einingar, og ein må derfor òg vurdere
om ein skal etablere to anlegg med tilnærma same storleik eller eitt anlegg
med same kapasitet som to.
Eg tek sikte på å kome tilbake til
dette i budsjettproposisjonen for 1997. Etter mi meining må behovet for
utvikling og dimensjonering av dei regionale opplæringssentra bli sett i
samanheng med dei retningslinjer som er fastsette for brannvernutdanninga,
og dei utdanningsbehov som ikkje blir dekte gjennom utdanningstilbodet i
Tjeldsund.
Trond Mathisen (A):
Jeg vil takke for
et fyldig svar og er glad for at ministeren nå ønsker å komme tilbake til
Stortinget i høstens budsjett når det gjelder den videre framtiden. For det
berørte personalet og administrasjon i Borre har det vært mange år med
usikkerhet omkring Borre Havarivernskole. Det er mitt håp at statsråden
sørger for å finne en endelig løsning i saken ved høstens
budsjettbehandling.