Anneliese Dørum (A): Jeg vil få stille følgende
spørsmål til kirke,- utdannings- og
forskningsministeren:
«Det første avgangskullet
som har faget kristendomskunnskap med livssynsorientering, går
ut av 10. klasse våren 2000. Barn som er holdt borte fra
KRL-faget, risikerer å få færre poeng
ved opptak til videregående skoler.
Vil statsråden vurdere om elevene
kan få kompensert dette, tatt i betraktning den store striden
som har vært om det nye KRL-faget?»
Statsråd Jon Lilletun: Det er i år fyrste gongen elevar
skal takast inn til den vidaregåande opplæringa
frå 10. klasse etter L97. Eg har vorte gjort kjend med
at enkelte elevar som er vortne haldne borte frå KRL-faget, har
fått opplyst at dei ikkje vil få karakter i faget.
Manglande karakter i eit fag vil kunne få følgjer
ved inntak til den vidaregåande opplæringa.
Ved poengutrekning for inntak til den vidaregåande opplæringa
for elevar som manglar karakterar i eitt eller fleire fag, er reglane
at dette vert kompensert ved at dei manglande faga får
poeng tilsvarande gjennomsnittet av dei teljande karakterane. Desse
reglane har til no vore praktiserte slik at det har vore ein føresetnad
at elevane då har fått innvilga fritak for faget
i grunnskulen.
Elevar som går ut av 10. klasse våren
2000, kan ha hatt grunn til å tru at dei ville få poengutrekning
i tråd med dei nemnde reglane dersom dei ikkje fekk karakter
i KRL-faget. Det er i år fyrste gongen elevar går
ut av grunnskulen etter L97, og eg ynskjer ikkje at elevane skal
verte skadelidande når dei har stolt på denne
ordninga. Difor har eg komme til at desse elevane skal få kompensert
for dette faget ved å få rekna om poeng ved inntak
til vidaregåande opplæring hausten 2000. Dette
kan eg gjere fordi ordlyden i den aktuelle paragrafen i forskrifta
til opplæringslova er open og difor også kan omfatte
KRL-faget. Eg arbeider for tida med revisjon av bl.a. reglane om
inntak i forskrift til opplæringslova. I samband med dette
vil eg sjå nærare på spørsmålet
om manglande karakter for elevar som er vortne haldne borte frå KRL-faget.
Anneliese Dørum (A): Jeg takker statsråden for et positivt
svar. Jeg forstår det da slik at barn som er blitt holdt
borte fra KRL-faget ulovlig, vil kunne få dette kompensert
gjennom at man beregner poeng ut fra de øvrige fagene,
slik at de får poeng i faget. Det synes jeg er en helt
riktig avgjørelse av statsråden, for vi må regne med
at det er alvorlige overbevisningsgrunner som ligger bak, når
foreldre går til det skritt å holde barna ulovlig borte
fra undervisningen i dette faget. Derfor må jeg si at jeg
er veldig glad for at statsråden, så vidt jeg
oppfattet det, ikke vil la disse elevene bli skadelidende.
Statsråd Jon Lilletun: Fyrst finn eg grunn til å seie meg
samd i den forståinga og konklusjonen som representanten
Dørum hadde. Dei vil få desse poenga rekna ut slik
som praksisen har vore tidlegare.
Dette inneber ikkje at eg og Regjeringa aksepterer
at ein held ungane vekk, men det er ein konsekvens av at ein kan
ha hatt grunn til å tru at den tidlegare praksisen ville
verte følgd. I tillegg er eg samd med representanten Dørum
i at i ein evalueringsfase, slik som vi er inne i no, er det slett
ikkje grunn til, på dei områda der det faktisk har
vore grunn til tvil, ytterlegare å spisse til konflikten. Det
er betre at vi får ein dialog i samband med evalueringa
som fungerer. Det ligg altså ikkje ein aksept i dette for at
det er heilt all right med sivil ulydnad, men det har vore grunn
til tvil. Difor praktiserer vi det på den måten, og
det er etter mitt syn i samsvar med lova.