Presidenten: Dette spørsmålet, frå representanten Trond
Helleland til fornyings- og administrasjonsministeren, vil bli teke
opp av representanten Øyvind Halleraker.
Øyvind Halleraker
(H) [12:56:28]: Jeg har et spørsmål til fornyings-
og administrasjonsministeren:
«13. mars utsatte statsråden
MinSide, det elektroniske servicekontoret, på ubestemt
tid. Prosjektet var i rute da regjeringen Stoltenberg
tiltrådte. De viktigste utfordringene
som krever betydelig politisk oppmerksomhet, har også tidligere
vært samordningen mellom MinSide og de statsetatene
som leverer tjenestene samt utbredelsen av godkjente eID-løsninger.
Hva vil statsråden gjøre
for å bedre framdriften i prosjektet, og når
kan innbyggerne ta MinSide i bruk?»
Statsråd Heidi Grande
Røys [12:57:13]: Lat meg fyrst gi honnør til tidlegare
moderniseringsminister Morten Andreas Meyer
for eit viktig initiativ til å gi innbyggjarane
eit enklare møte med offentleg sektor. MiSide skal gi innbyggjarane
ein felles inngang til dialog med og elektroniske tenester
frå det offentlege.
For å få til MiSide må ein
ha sikker innlogging, og difor er Sikkerhetsportalen etablert
som ein felles infrastruktur for heile offentleg sektor, ikkje
berre for Altinn, som har vore brukarar sidan desember, eller
for MiSide, der vi no har starta pilot. Sikkerhetsportalen opna
eg i midten av desember. Portalen er oppe og står,
og vi er i gang med å teste MiSide i forhold til Sikkerhetsportalen. Sikkerhetsportalen
skal gjere det enklare for både kommunale og statlege verksemder å realisere
trygg elektronisk samhandling. Samstundes skal brukarane
som allereie har ein elektronisk ID til andre føremål, òg
kunne nytte denne på offentlege nettstader.
Regjeringa Stoltenberg har store
ambisjonar på dette området, fordi det er viktig
for å realisere dei målsetjingane vi har sett
i Soria Moria-erklæringa for digitalisering av tenester,
og ikkje minst for fornyinga av offentleg sektor.
Den tekniske løysinga for MiSide har vore
på plass ei stund, og vi køyrer no pilot for alle
dei tilsette i dei sju etatane som leverer tenester til sida, og
for dei tilsette i mitt eige departement. Slik får
vi luka ut feil, og vi får sett på kva vi må gjere endå betre
før vi kan presentere heile sida for innbyggjarane.
Etableringa av MiSide og den felles Sikkerhetsportalen
for det offentlege inneber eit ganske komplekst samspel mellom
mange offentlege verksemder, marknadsaktørar og ulike tekniske
løysingar.
Den førre regjeringa la til grunn
at marknadsaktørane skulle forsyne innbyggjarane med elektronisk
ID og elektronisk signatur, som òg skulle kunne nyttast
til desse offentlege tenestene. Og det er her det har dukka opp
utfordringar knytt til marknaden for elektronisk ID i Noreg. Det
har altså vist seg meir krevjande enn det ein tidlegare trudde, å få leverandørar
til å levere tenestene sine i den felles Sikkerhetsportalen
for offentleg sektor. Ute blant innbyggjarane er det ikkje
særleg stor utbreiing av elektronisk ID som kan nyttast
i Sikkerhetsportalen, og førebelse vurderingar frå pilotdrifta
viser at bruken òg må verte enklare. Lanseringa
kan altså ikkje skje før vi har fått
ei innlogging som er sikker, og som er enkel, slik at innbyggjarane
ikkje dett av lenge før dei har fått teke
portalen i bruk.
Når ein driv pilotarbeid, risikerer
ein at det dukkar opp utfordringar som det tek tid å løyse.
Eg meiner at ein har undervurdert kompleksiteten i arbeidet, og
ein har vore for optimistisk når ein fastsette
tidsplanen.
Eg vil korrigere representanten Halleraker
i forhold til at prosjektet skulle vere i rute
då regjeringa Stoltenberg tok over. Gjennom heile
prosjektperioden har ein jamleg utarbeidd risikoanalysar. Gjennom
desse risikoanalysane, både før og etter
regjeringsskiftet, har det vore kjent i departementet,
og av min forgjengar, at det var høg risiko knytt til tidsplanen
og at sjansen var stor for at lanseringa av MiSide måtte
utsetjast. Eg minner om at statsråd Meyer sjølv
utsette lanseringa med eit halvt år, i fjor sommar.
Det eg no er i gang med, er i samarbeid
med Brønnøysundregistra, som forvaltar avtalen
om Sikkerhetsportalen, å vurdere forretningsmodellen for
Sikkerhetsportalen. Vi er nøydde til å finne
ein modell som er meir attraktiv, både for offentlege verksemder
som treng løysingar for sikker kommunikasjon, og for leverandørane
av elektronisk ID og signatur. Dette kan eg love representanten Halleraker
at vi jobbar med døgnet rundt. Til og med i dag sit mi
avdeling i møte med dei aktuelle aktørane, så dette har
vi eit veldig høgt trykk på og store ambisjonar
om. Men vi kan altså ikkje lansere noko
som ikkje er godt nok for innbyggjarane våre,
for då er på ein måte vitsen
vekk. Det må vere sikkert og enkelt å bruke
når vi fyrst skal forenkle offentleg
sektor.
Øyvind Halleraker (H) [13:01:16]: Jeg takker for svaret.
Det er godt å høre
at statsråden holder høyt trykk på dette.
Jeg er kjent med at statsråd Meyer, rett før han
gikk av, fikk forsikring om at prosjektet var
i rute.
Dersom det er slik at samarbeidet mellom
bankene og BankID og andre ID-leverandører stopper
prosjektet, kan det da være naturlig å vurdere
andre muligheter? Viktige IT-prosjekter i offentlig regi
kan jo ikke stoppe opp mens vi venter på andre
aktører.
Mitt spørsmål blir: Vil statsråden
ta initiativ til at det offentlige utsteder egne
eID-er og eSignaturer til innbyggerne, slik man har gjort i f.eks.
Danmark, og på den måten sørge for at
mange kan ta MinSide i bruk så raskt som mulig?
Statsråd Heidi Grande Røys [13:02:17]: No er det den førre regjeringa som
har bestemt at ein skulle la marknaden ordne dette med
elektronisk ID. Det er ei kjend Høgre-sak at ein ynskjer
at marknaden skal ordne opp.
Så ser vi at marknaden ikkje
var så vidareutvikla som vi hadde håpa
og trudd. Allereie i 1999 hadde data- og IT-pressa oppslag om at
ein trudde ein var i gang med å rulle ut elektronisk identitet,
og at ein ville ha dette veldig kjapt på plass. No skriv
vi 2006, og framleis er det litt slik at leverandørane
sit og ventar på tenestene, og dei som leverer tenester,
sit og ventar på at vi har nok leverandørar av elektronisk
ID.
Vi har sagt at vi no fyrst ynskjer å gå i
dialog med både bankane
og andre som leverer elektronisk ID, for å sjå om vi
ikkje no kan løyse dette. Det er den modellen
ein har valt, og ein har jobba med den i fleire år. Vi
må sjå på om vi ikkje kan løyse
det. Vi har hatt mange møte, og vi skal ha fleire møte.
Parallelt med dette ser vi på andre moglegheiter,
ja, òg den moglegheita som representanten Halleraker
var inne på.
Øyvind Halleraker (H) [13:03:22]: Jeg takker igjen for svaret.
Noe av det mest oppsiktsvekkende er faktisk ikke
at prosjektet er utsatt, selv om det gjøres nok en gang
fra denne statsråden, og det er alvorlig nok. Det mest
oppsiktsvekkende er jo at prosjektet er utsatt på ubestemt
tid. Jeg har ikke sett noen antydning om hvilken
måned, hvilket kvartal eller hvilket år
innbyggerne kan forvente å ta i bruk MinSide. Jeg mener
at det er sunt at det offentlige setter frister, og at vi bestreber
oss på å prøve å overholde disse.
Det gjør det mulig å kontrollere at myndighetene gjør
det de skal gjøre, og sikrer at viktige prosjekter ikke dør
en stille død, så å si.
Mitt spørsmål blir: Er statsråden
enig i at det er viktig å sette frister for ferdigstillelse
for viktige prosjekter som MinSide, og kan vi nå få en
ny dato for når innbyggerne kan glede seg over
MinSide?
Statsråd Heidi Grande Røys [13:04:21]: Det har vorte sett mange tidsfristar knytt
til arbeidet med MiSide. Førre minister, Meyer
frå Høgre, måtte utsetje sitt eige prosjekt
med eit halvt år. Med det same eg tok over, fekk eg
ganske fort presentert som ei utfordring
at vi måtte ha ei ny utsetjing, av ulike årsaker
og avgjerder som vart tekne lenge før mi tid. Vi balar
med dei same vedtaka som vart gjorde før mi tid,
nemleg val av forretningsmodell og val av aktørar knytt
til levering av elektronisk ID. Det er dei to utfordringane vi no
jobbar vidare med. Eg er innstilt på å følgje
opp dei vedtaka som vart gjorde av førre minister. Eg trur
det var gode løysingar. Men ein hadde lagt for
stramt tidsløp i forhold til å kunne løyse
desse utfordringane.
Så skal vi altså hugse at
vi er det fyrste landet i verda som får dette til. Eg er
ganske sikker på – eg håpar
i alle fall det – at vi skal ha denne sida
opp å stå så snart som i det heile mogleg,
gjerne før sommaren for min del. Men det er heilt meiningslaust å gi
ein ny dato dersom ein ikkje er heilt sikker
på at ein faktisk kan levere, for då får
ein berre ei ny utsetjing. Det ville vere veldig uheldig
(presidenten klubbar). Då er det betre å bruke
tid og krefter på å få ei så god
løysing opp å stå som i det
heile mogleg.
Presidenten: Vi går då tilbake til spørsmål
6.