Begrunnelse

Avisa Fiskaren skriv 30. november 2005 at seks autolinereiarar kjem særs dårleg ut av den strukturfrysen som Regjeringa har bestemt. Dei vedtekne overgangsordningane hjelper for mange av dei som var inne i ordninga, men det er enkelte som kjem særs dårleg ut.
Statsråden har frose ordningane på grunn av evaluering av igongsette ordningar. Det respekterer vi sjølv om vi er ueinige i at det trengst evaluering. Det som er litt vanskeleg å skjøne er kvifor det må få så store konsekvensar for aktørane i næringa når statsråden ikkje eingong har teke standpunkt til om ordningane skal vidareførast etter evalueringa.
Næringsaktørar i alle næringar ønskjer forutsigbare rammer for drifta si. Fiskerinæringa har så mange usikre rammer å halde seg til at om politisk usikkerheit skal vere ein tilleggsfaktor så skapar det unødvendig uro.
Store kvoteverdiar på 70-80 millionar vert, ifølgje Fiskaren, sette i spel på grunn av vedtaka statsråden har gjort. Næringa var kjent med at rederikvoteordninga skulle bort frå nyttår, men dei var ikkje kjent med at strukturkvoteordninga skulle frysast. For dei som hadde planlagt strukturering i 2006 skapar "frysen" unødige problem. Sett i lys av at statsråden berre skal evaluere må det kunne være mogleg å gje desse ei overgangsordning slik at dei ikkje må lide unødig og vert handsama på lik måte som andre grupper.