Begrunnelse

Næringslivet og folk i Vik er frustrerte og sinte for at Vikafjellet svært ofte har vore stengt i vinter, som det også har vore i alle vintrar tidlegare.
På ein fjellovergang som Vikafjellet må ein forventa at verforholda er slik at det er umogeleg å brøyte fjellet. Det er berre bygging av ein lang tunnel gjennom Vikafjellet som kan medverke til at næringslivet og folk i Vik, og andre brukarar av denne vegstrekninga, kan vere trygge for at vegen ikkje vert stengt på grunn av uver. Det vert, uansett stor politisk vilje til å medverke til finansiering av lang tunnel gjennom Vikafjellet, gå fleire år før denne kan stå ferdig. Dersom brukarane av denne vegstrekninga, og ikkje minst næringslivet i Vik, skal oppleve mange og lange stengingar av denne vegen fram til tunnel er bygt, då kan det vere ein stor fare for at verksemder har måttet gje opp drifta, og at folk flyttar frå kommunen i frustrasjon over situasjonen.
Næringslivet og folk i Vik meiner at Vikafjellet er stengt langt fleire gongar enn nødvendig, dersom det har vore politisk vilje til å medverke til ordningar som ville resultert i langt færre stengingar av denne vegen.
For ei tid sidan vart dette problemet teke opp, og samferdsleministeren ville då ta initiativ til at vegen over Vikafjellet skulle verte halden open i langt større grad enn tidlegare.
Ein har ein følelse av at no er ein tilbake til same situasjon som det har vore i dei fleste vintrar tidlegare, med mange og lange stengingar av vegen over Vikafjellet.