Åge Starheim (FrP): På ferjestrekninga Daløy-Haldorsneset har det vore prøveperiode med gratisferje. Prøveperioden vert avslutta 1. april 2013, og då skal ordninga med gratisferje evaluerast. Etter det eg kjenner til har det berre vore positive signal av ordninga med gratisferje i prøveperioden, noko som etter mitt syn burde medføre vidareføring med fast ordning av gratisferje på denne strekninga.
Vil statsråden forlenge prøveperioden til etter at evalueringa er gjennomført?
Begrunnelse
Eg meiner sidan Solund kommune er ei kommune med marginal utvikling og fare for minkande folketalsutvikling, er tilbodet med gratisferje innand i kommunen stimulerande for nærings- og folketalsutvikling.
Solund kommune er eit øysamfunn med dårleg infrastruktur, som gjer at næringslivet på øyane får store transportkostnadar.
Senterpartiet, på same måten som vi i FrP, har vore ein pådrivar for å få til ein prøveperiode med gratisferje. Derfor meiner eg at prøveordninga slik eg foreslår i spørsmålet mitt vert vidareført og den regionale utviklinga vert teke omsyn til i evalueringa.
Eg fryktar at når prøveordninga no vert avslutta før evalueringa er ferdig, vil det bety at hensikta er å ta bort ordninga permanent, noko som vil verte svært uheldig for Solund-samfunnet.