Janne Sjelmo Nordås (Sp): Korleis meiner statsråden kommunen bør gå fram ovanfor SVV slik at dei naudsynte avklaringane som må på plass kring vegklassifisering, regulering av vedteken vegtrase og at SVV som grunneigar ikkje vert til hinder for ein kommune som satsar på næringsutvikling med bruk av statlege midlar og med trafikken langs vegen som eit av sine fortrinn?
Begrunnelse
Ved bygging av El6 Lærdalstunnelen vart ein del massar frå tunnelarbeidet gjort tilgjengeleg for Lærdal kommune slik at dei kunne etablere eit næringsareal rett i nærleiken av El6 og tunnelen på eit område kalla Håbakken i Lærdal. Området vart regulert og fleire næringsaktørar har etablert seg. Kommunen har dei siste åra hatt nedgang i tal arbeidsplassar som fylgje av redusert tilbod ved Lærdal sjukehus, og at Telenor sin «Opplysningen», seinare 1881, vart nedlagd. Kommunen fekk då status som omstillingskommune, og tilgang til ein del statlege verkemiddel. Eitt av dei viktigaste prosjekta i omstillingsarbeidet har vore å utvikla næringsarealet på Håbakken, og einer no godt i gang med reguleringsarbeidet. Statens Vegvesen (SVV) er ein viktig aktør både som eigar av kontrollstasjon for tungtrafikk på områder, og som vegstyresmakt. I møte med representantar frå SVV Region Vest har no kommunen fått opplyst at vegstrekka som næringsarealet ligg ved skal omklassifiserast frå H2 til H4, noko som medfører at handel og liknande aktivitet ikkje kan ligga så tett i vegen som planlagd og at moglegheitene for avkøyrsler vert redusert. I tillegg er det knytt uvisse til framdrifta på den siste parsellen for El6 gjennom Lærdal, der ein har vedteke trasevalet gjennom kommunedelplan, men ikkje løyvd midlar til reguleringsplan. Ein reguleringsplan for den siste parsellen hadde gjort utviklinga av området meir føreseieleg.