Skriftlig spørsmål fra Fredric Holen Bjørdal (A) til finansministeren

Spørsmål

Fredric Holen Bjørdal (A): Kva for selskap er antatt å bli påverka av regjeringa sitt forslag til midlertidig endring i petroleumsskatten, og kor mykje likviditetslettelse vil kvar enkelt av desse kunne få?

Begrunnelse

Regjeringa har lagt fram eit forslag til midlertidig endring i petroleumsskatteregimet (lenke) som ei oppfølging av bransjeorganisasjonen Norsk olje og gass sitt ønskje (lenke norog).

Svar

Jan Tore Sanner: Regjeringa har lagt fram forslag til midlertidige endringar i petroleumsskatten i Prop. 113 L (2019–2020), slik at betalinga av skatt vert utsett og selskapa sin likviditet vert betra. Konkret foreslår regjeringa umiddelbar utgiftsføring av investeringar i særskattegrunnlaget med tillegg av ei friinntekt på 10 pst. Forslaget gjeld for nærare angitte investeringar pådregne frå og med inntektsåret 2020 til og med inntektsåret 2024. Vidare er det foreslått at skatteverdien av underskot og unytta friinntekt for inntektsåra 2020 og 2021 kan krevjast utbetalt. Utbetaling av underskot gjev óg likviditet til selskap som har underskot eller kjem i underskotsposisjon som følgje av tidlige frådrag.
Forslaga vil betre likviditeten til selskap som gjennomfører investeringar i den tidsperioda dei midlertidige endringane gjeld, samt selskap som er i underskotsposisjon i 2020 og 2021.
Departementet har ikkje høve til å oppgje provenyverknader for enkeltselskap. I proposisjonen er forslaga samla anslått å tilføre petroleumsselskapa betydeleg likviditet, i størrelsesorden 100 mrd. kroner for åra 2020 og 2021. Over tid er det anslått at forslaget vil auke provenyet med om lag 14 mrd. kroner, målt som nåverdi med risikofri rente. Det vert understreka at anslaga er usikre og mellom anna vil avhenge av korleis selskapa sine investeringar utviklar seg.

Stortinget.no

Skriftlig spørsmål fra Fredric Holen Bjørdal (A) til finansministeren

Spørsmål

Begrunnelse

Svar