Birgit Oline Kjerstad (SV): Ved nokre vindkraftverk oppstår støyfenomenet UAM (unaturlig amplitudemodulasjon) som er svært generande.
Korleis vil regjeringa sørge for at utgreiingssinstruksen med retningsliner bli brukt for å unngå at naboer til vindkraftverk blir utsette for slike støyplager?
Begrunnelse
Siste åra har det blitt bygd fleire store vindkraftverk i Norge. Turbinane vert stadig større, medan gjeldande støyveileder og regelverk bygg på kunnskap knytt til mindre turbintyper. Å planlegge seg bort frå helseplager knytt til støy er eit overordna mål i all arealplanlegging, og ein får stadig ny kunnskap om korleis støy kan påverke helsa til folk negativt. Turbinprodusentane har arbeidd mykje for å prøve å redusere støy frå vindturbiner, men det syner seg at i komplekst terreng og under spesielle meteorologiske tilhøve, kan det oppstå unaturlig amplitudemodulasjon, ein type støy som bransjen karakteriserer som svært plagsam. I november 2021 arrangerte Norwea ein teknisk konferanse der mellom anna støyfenomenet unaturleg amplitudemodulasjon var tema. I referatet frå møtet står det at representantar med lang erfaring frå bransjen, snakka om at dette lydfenomenet, UAM, kan vise seg å vere ekstremt plagsamt for folk.
Sintef sin representant på konferansen uttalte at:
«Nye utfordringer som amplitude modulasjon vil ha stor påvirkning på vilkårene i henhold til regelverket for konsesjonsprosessen.»
Etter oppstart av Vardafjell og Tysvær vindkraftverk i Rogaland har naboer klaga på svært mykje støy i perioder. Ved Vardafjell vindkraftverk har konsesjonær gjort målinger og vurderinger og kome til at det kan vere fenomenet UAM som plagar naboane. Konsesjonæren seier det er første gong dette fenomenet, som er kjent frå andre land, er konstatert i Norge. Både i Hervik i Tysvær og i området rundt Vardafjell i Sandnes, har fleire klaga på at turbinstøyen har teke ifrå dei livskvalitet og ro. Det går på helsa laus for somme fordi støyen høyrest både ute og inne. I ein klage skriv naboane til eitt av vindkraftverka:
«Opplever økende støy fra vindturbinene. Nå er støyen blitt mye verre. I enkelte soverom hører vi lyd fra vindturbinene inn i huset. Det er nå blitt så mye støy at det er umulig å sove med soveromsvinduet oppe. Vi opplever å aldri oppleve stillhet/ro på eiendommen vår lenger. På de verste vindretningene når turbinene sviver reagerer hundene våre også på støyen, blir utrygge og skjelver og vil inn i huset. Støyen fra vindturbinene høres ut som et fly som kommer og aldri forsvinner, eller som torden.»