Spørsmål

Frank Edvard Sve (FrP): Kan samferdselsministeren leggje fram ei detaljert oversikt over grunnkjøp og innløysing av hus og eigedomar som Statens vegvesen har gjennomført i 2022, fordelt på dei ulike prosjekta gjeldande heile landet og synleggjort kostnad pr prosjekt?

Svar

Jon-Ivar Nygård: Vedlagt følgjer ei oversikt over grunnkjøp som er gjennomført og gjort opp av Statens vegvesen sin divisjon Utbygging i 2022. Utover divisjon Utbygging kan også Divisjon Drift- og vedlikehold gjere grunnkjøp, men dette vil da gjelde prosjekt som i hovudsak er under 200 mill. kroner, for eksempel grunnkjøp i samanheng med utbetringar og punkttiltak i forbindelse med ny busslomme.
Statens vegvesen sin divisjon Utbygging har gjennomført og gjort opp grunnkjøp for om lag 659 mill. kroner i 2022. Oversikten viser at desse prosjekta er i ulike fasar og dei fleste prosjekta er i hovudsak under bygging og har vedtatt reguleringsplan. Dermed er eigedommane som er løyst inn i hovudsak omregulert til vegformål i vedtekne reguleringsplanar, og for en stor del er anlegget i gang.
Det er og noko grunnkjøp knytt til bustadar der anlegget ikkje er i gang. Det er vedtatt eigne retningslinjer for innløysing av bustadar i regulert veglinje. På visse vilkår kan bustadeigar krevje bustaden innløyst sjølv om prosjektet ligger fram i tid. Til dømes om eigar kommer i ein vanskeleg situasjon, svært sjuke eller gamle folk som er helt avhengig av å flytte til en annan bustad. Noko av grunnervervet skyldast slik innløysing.
I nokre høve må Statens vegvesen få høve til starte erverv av bustad tidlegare fordi det ikkje er nok eigendommar for sal til å dekke marknaden når det ordinære bustadervervet startar, til døme Vestkorridoren. I tillegg kan det være andre grunnar til grunnkjøp før prosjektet er klart for oppstart/har vedtatt reguleringsplan, såkalla strategiske kjøp. Dei skal og gjerast innafor visse rammer, trase må vere vedtatt i kommunedelplan, og det må vere klart i statleg interesse.

Vedlegg til svar