Spørsmål

Siv Mossleth (Sp): Regjeringa og ministeren sier at for de som fremdeles har bruk for posten, skal vi ha et godt og likeverdig tilbud i hele landet. Samtidig flytter Posten postkasser langt bort fra der folk, og hvis folk likevel krever sin rett til tjenesten, viser det seg at Posten skyver kostnadene ved levering på andre. Fylkeskommuner, kommuner og privatpersoner skal bære kostnadene med å få posten fram.
Er det slik at andre enn Posten skal ta kostnadene for tjenestene ministeren lover på vegne av Posten, hvem har ansvaret?

Begrunnelse

Svar

Jon Georg Dale: Regjeringa skriv i Granavoldenerklæringa at ho vil sikre eit godt og likeverdig posttilbod over heile landet, tilpassa den endra etterspurnaden etter posttenester. Dette tyder at tilbodet skal vere tilpassa den reelle etterspurnaden etter tenestene.
Når det gjeld plassering av postkasser, vidarefører regjeringa tidlegare praksis om at Posten skal ha høve til å be folk sette opp kassene på stader som er tilpassa postboda sine ruter. Allereie i postkasseloven frå 1952 fekk Postverket denne moglegheita som har blitt nytta jamleg opp gjennom åra.
I den grad postdistribusjonen til ein stad skjer med rutegåande transport, vil ruta avgjere kor ofte og kvar postsendingane blir leverte. Transportselskapet kan stundom også krevje godtgjersle som gjer distribusjonen urimeleg kostnadskrevjande. I slike tilfelle må Posten sjå på alternative distribusjonsstader for postsendingane. Selskapet må likevel å freiste å få til ei løysing som er god for mottakarane, men innafor ein rimeleg kostnad.
Representanten Mossleth har vore særskilt opptatt av postgangen til Lonkan, Helgenes og Brottøy i Hadsel kommune. Denne saka har no løyst seg ved at postkassene til folket på øyane blir sett opp om bord på rutebåten. Posten leverer sendingane om bord på båten og folk kan hente sendingane sine når båten legg til kai der dei bur. Sjølv om denne saka har gått føre seg lenge, viser den også at Posten gjennom dialog med brukarane finn fram til gode løysingar.