Spørsmål

Kari Henriksen (A): Statens belønningsavtale med Kristiansand kommune utløper i mai 2020 og i følge Fædrelandsvennen er arbeidet med å kvalitetssikre Gartnerløkka stoppet.
Hva er statsrådens fremdriftsplan for å få kvalitetssikret Gartnerløkka og komme i mål med ny avtale og, kan statsråden garantere at belønningsmidlene i ny avtale vil videreføres på omtrent samme nivå eller økt i forhold til dagens avtale?

Begrunnelse

Svar

Jon Georg Dale: I tråd med regjeringspartia sin bompengeavtale, legg regjeringa til grunn å vidareføre belønningsmidlar i Kristiansand på 2019-nivå etter at noverande avtale går ut. Kristiansand (Vest-Agder fylkeskommune og Kristiansand kommune) har fått utbetalt 90 mill. kr i belønningsmidlar i 2019, i tråd med inneverande avtale. Ei vidareføring av belønningsmidlane på 2019-nivå i Kristiansand, Buskerudbyen, Nedre Glomma og Tromsø, er foreslått i Prop. 1 S (2019-2020). Grenland har belønningsavtale som varar ut 2020. I tråd med dette tek eg sikte på å sende eit brev til Kristiansand der eg mellom anna vil formidle at byområdet kan søkje om ny belønningsavtale innanfor ordninga sine retningsliner.
Når det gjeld riksvegprosjektet E18/E39 Gartnerløkka-Kolsdalen har eg avventa eit lokalt initiativ om å drøfte vidare framdrift for prosjektet. Bakgrunnen for dette er at lokale myndigheter har gått inn for å avgrense fase 2 av Samferdselspakke for Kristiansandsregionen til berre å vidareføre noverande bompengeopplegg for å delfinansiere Gartnerløkkaprosjektet og nokre programområdetiltak i Kristiansandsregionen. Det er no knytt uvisse til om lokale myndigheter stiller seg bak prosjektet. Per dags dato diskuterast prosjektet lokalt, og man skal ta stilling til prosjektet i bystyremøte i Kristiansand førstkomande onsdag. Gjennom ekstern kvalitetssikring (KS2) gjennomførast ikkje berre ei kvalitetssikring av kostnadssida i prosjekt, men også ei vurdering av ei rekke andre faktorar som eksempelvis eit oppdatert anslag for samfunnsøkonomisk lønsemd for det valde konseptet og viktigast i denne samanhengen: finansieringsopplegget. Før det er avklart lokalt om man vil gå vidare med prosjektet er det difor vanskelig å sjå føre seg at prosjektet kan gjennomgå KS2.