Spørsmål

Fredric Holen Bjørdal (A): Meiner finansministeren at å dekke opp for dei økonomiske konsekvensane av ein enkeltkommune sine eigne avgjerder, samtidig som ingen andre kommunar skal få den same behandlinga, er i tråd med god forvaltningsskikk?

Begrunnelse

Bø i Vesterålen har redusert den kommunale satsen i formuesskatten, og regjeringa har varsla at staten skal dekke dei tapte inntektene for kommunen.

Svar

Nikolai Astrup: Eg meiner det er god forvaltningsskikk å behandle like saker likt når sakene blir behandla på same tidspunkt.
Prinsippet om å behandle like tilfelle likt, er ikkje i vegen for på eit tidspunkt å gjere endringar i reglar, retningsliner eller praksis. Slike endringar blir gjort på alle område. Det er likevel viktig at praksis er føreseieleg. Det er årsaka til at vi har gjort det tydeleg at vurderinga om kompensasjon berre vil gjelde for Bø kommune, og ikkje andre kommunar som vurderer å endre satsen på formuesskatt.