Birgit Oline Kjerstad (SV): Er måla for reduksjon av NOx gassar for NOx avtalen sin vurderingsperiode 2020-2021 oppfylt, og kva er statsråden si vurdering av måloppnåinga?
Begrunnelse
I fylgje NOx-avtalen 2018- 2025 tek næringsaktørane på seg ansvar for å redusere dei norske utsleppa av NOx gassar mot å få fritak frå NOx avgifta og få finansiering av utsleppsreduserande tiltak gjennom NOx – fondet. Utsleppa skal ikkje overstig definerte verdiar og i samråd med Miljødirektoratet og Statistisk Sentralbyrå skal organisasjonane sørge for å framskaffe representative data for vurdering av utsleppsfaktorane som nyttast i den norske utsleppsrekneskapen. Punkt 4 i avtalen handlar om fristar og korleis kontroll av måloppnåinga skal føregå. Innan 1. mai kvart andre år skal Miljødirektoratet gi partane, Næringsorganisasjonane, NOx – fondet og Skattedirektoratet ei foreløpig vurdering av måloppnåinga i forutgåande toårsperiode. 15. juni same år skal Miljødirektoratet ta endeleg stilling til om næringsorganisasjonane har overhalde måla i miljøavtalen. For perioden 2020- 2021 skulle ei slik vurdering ligge føre innan 15. juni 2022.