-
Dokument nr. 15:911 (2023-2024)
Innlevert: 14.01.2024
Sendt: 15.01.2024
Svart på: 19.01.2024 av kommunal- og distriktsminister Erling Sande
Auka bruk av desentraliserte/staduavhengige arbeidsplassar vart gitt som ei ny fellesføring frå regjeringa til alle statlege verksemder i tildelingsbreva for 2023, med krav om rapportering ved årsslutt.
Kor mange statlege verksemder har rapportert om høvesvis auka, uendra eller mindre bruk av desentralisert arbeidsstad i 2023, kor stor auke har det samla vore i desentraliserte stillingar i statlege etatar i 2023 og kor mange staduavhengige stillingar i staten har blitt utlyst i løpet av 2023?
-
Dokument nr. 15:857 (2023-2024)
Innlevert: 08.01.2024
Sendt: 08.01.2024
Svart på: 11.01.2024 av klima- og miljøminister Andreas Bjelland Eriksen
Vil klima- og miljøministeren oppmode Ap/Sp-leia Stad kommune og andre kommunar som planlegg å bygge ut myrområde for å gjennomføre offentlege byggeprosjekt om å stoppe planane om nedbygging av myr og gjennomføre utbyggingane på andre måtar, jamfør forslag frå Miljødirektoratet i desember 2023 om nasjonalt forbod mot nedbygging av myr og NRK si avdekking i januar 2024 av det enorme omfanget av ukontrollert nedbygging av sårbar natur i Noreg?
-
Dokument nr. 15:837 (2023-2024)
Innlevert: 05.01.2024
Sendt: 05.01.2024
Svart på: 12.01.2024 av digitaliserings- og forvaltningsminister Karianne O. Tung
Kva trur digitaliserings- og forvaltingsministeren er årsaka til at det førebelse utkastet til EU si nye forordning om Kunstig intelligens (AI Act) er merka som ikkje relevant for EØS, og korleis vil regjeringa i tida framover arbeide opp mot EU for å kompensere for at Noreg gjennom sjølvpålagt utanforskap i dei folkevalde organa som formar den digitale framtida i Europa ikkje deltar i dei politiske prosessane knytt til utforming av AI Act og andre forordningar om digitalisering som Noreg uansett må implementere i vårt lovverk?
-
Dokument nr. 15:834 (2023-2024)
Innlevert: 05.01.2024
Sendt: 05.01.2024
Svart på: 12.01.2024 av arbeids- og inkluderingsminister Tonje Brenna
Vil statsråden ta initiativ til å modernisere og forenkle regelverket for å ferde ut HMS-kort på bygge- og anleggsplassar i tråd med den teknologiske utviklinga, slik at bedrifter ikkje må bestille nye fysiske kort kvart andre år, men heller kan søke om godkjenning og få oppdatert elektronisk godkjenning for same tidsrom utan å måtte bestille nye fysiske HMS-kort?
-
Dokument nr. 15:803 (2023-2024)
Innlevert: 31.12.2023
Sendt: 02.01.2024
Svart på: 09.01.2024 av fiskeri- og havminister Cecilie Myrseth
Kan fiskeri- og havministeren garantere at Kystverket no har fått alle nødvendige avklaringar frå departementet for å kunne lyse ut Stad Skipstunnel på anbod i løpet av 1. halvår 2024 med sikte på kontraktsinngåing og ev. nytt vedtak i Stortinget om kostnadsramme 2. halvår 2024 og byggestart for prosjektet i 2025, og kva er årsaka til at fiskeri- og havministeren ikkje vil møte ordføraren i Stad kommune som er vertskapskommune for prosjektet?
-
Dokument nr. 15:796 (2023-2024)
Innlevert: 25.12.2023
Sendt: 02.01.2024
Svart på: 10.01.2024 av helse- og omsorgsminister Ingvild Kjerkol
Vil helseministeren sørge for at pasientar med lipødem, som i all hovudsak er kvinner, får lik hjelp og refusjon av utgifter til nødvendig helseutstyr over heile landet, og er helseministeren samd i at forskingsinnsatsen knytt til lymfødem og andre kroniske sjukdommar som medfører mykje smerte og spesielt rammar kvinner må aukast monaleg i åra framover?
-
Dokument nr. 15:763 (2023-2024)
Innlevert: 19.12.2023
Sendt: 20.12.2023
Svart på: 21.12.2023 av helse- og omsorgsminister Ingvild Kjerkol
Regjeringspartia fekk i Stortinget 18/12 fleirtal med røystene til Ap, Sp og Høgre for å gi regjeringa/ helsebyråkratiet ein varig og generell heimel i smittevernlova til å setje folk i langvarig karantene og isolasjon ved utbrot av smittsame sjukdomar. Alle øvrige parti røysta imot. Regjeringa varsla samtidig at det snart vil kome ein heilskapleg revisjon av regelverket om helseberedskap og smittevern, der heimelen som no er gitt kan bli endra.
Når vil Stortinget få seg forelagt ein slik heilskapleg revisjon av regelverket?
-
Dokument nr. 15:753 (2023-2024)
Innlevert: 18.12.2023
Sendt: 19.12.2023
Svart på: 05.01.2024 av finansminister Trygve Slagsvold Vedum
Eg syner til mine tidlegare spørsmål Dok. nr. 15:868, 15:991 og 15:1051 (2022-2023).
Kan finansministeren gi ei oppdatert oversikt over kor mange personar med høg formue som har flytta høvesvis inn til og ut av Noreg så langt i 2023 samanlikna med åra før, og samla netto skattepliktig formue for desse personane?
-
Dokument nr. 15:709 (2023-2024)
Innlevert: 14.12.2023
Sendt: 15.12.2023
Svart på: 02.01.2024 av utenriksminister Espen Barth Eide
Regjeringa har nyleg bestemt at den nye etaten for eksportkontroll skal lokalisert til Oslo-regionen (Fornebu).
Kan utanriksministeren legge fram den skriftlege vurderinga som vart gjort i lokaliseringssaka, slik at Stortinget får innsyn i kva kriteria som vart brukt i vurderinga av lokalisering av den nye etaten og korleis dei ulike kandidatane (Fornebu, Bergen og Sandefjord) vart vurderte etter desse kriteria?
-
Dokument nr. 15:701 (2023-2024)
Innlevert: 14.12.2023
Sendt: 14.12.2023
Svart på: 21.12.2023 av helse- og omsorgsminister Ingvild Kjerkol
Korleis skal norske MS-pasientar bli sikra lik tilgang til stamcellebehandling gjennom den individuelle unntaksordninga, og er statsråden enig i at eit gruppeunntak kan vere eit alternativ for å sikre alle pasientar lik tilgang til same behandling?
-
Dokument nr. 15:656 (2023-2024)
Innlevert: 10.12.2023
Sendt: 11.12.2023
Svart på: 14.12.2023 av klima- og miljøminister Andreas Bjelland Eriksen
Miljødirektoratet sende i juni 2023 over til Klima- og miljødepartementet tilråding om å etablere Stad marine verneområde i kommunane Stad og Kinn i Vestland fylke i tråd med tilrådinga frå Statsforvaltarn. Forslaget har brei støtte frå mellom anna berørte kommuner og bygder, og frå fiskerinæringa i Nordfjord.
Når kan ein vente avgjerd i Klima- og miljødepartementet om etablering av Stad marine verneområde i tråd med tilrådinga frå Miljødirektoratet?
-
Dokument nr. 15:655 (2023-2024)
Innlevert: 10.12.2023
Sendt: 11.12.2023
Svart på: 18.12.2023 av olje- og energiminister Terje Aasland
Fjaler kommune i Vestland har utvikla industriområdet Lutelandet på 1 000 mål med djupvasskai samlokalisert med eit vindkraftverk. Det er bygd ut linjekapasitet og vindkraftverket leverer straum inn på nettet, men industriområdet kan ikkje bli tatt i bruk fordi Statnett seier nei til å koble industriprosjekt på Lutelandet på nettet.
Kva vil statsråden gjere for å løyse situasjonen for ein kommune som har tatt ansvar for å bygge ut meir fornybar kraft, ein situasjon som også kan bremse viljen andre stader til å bygge ut ny kraft?
-
Dokument nr. 15:554 (2023-2024)
Innlevert: 29.11.2023
Sendt: 29.11.2023
Svart på: 06.12.2023 av kommunal- og distriktsminister Erling Sande
Regjeringa har nyleg bestemt at den nye etaten for eksportkontroll skal lokaliserast til Oslo-regionen (Fornebu, 35 minutts spasertur frå Oslo sentrum).
Kan kommunal- og distriktsministeren gjere greie for kvifor Bergen vart valt vekk som lokaliseringsalternativ, og korleis denne avgjerda heng saman med regjeringa sine retningsliner om at nye statlege arbeidsplassar som hovudregel skal plasserast utanfor hovudstadsområdet?
-
Dokument nr. 15:533 (2023-2024)
Innlevert: 26.11.2023
Sendt: 27.11.2023
Svart på: 01.12.2023 av kunnskapsminister Kari Nessa Nordtun
Kva er status for søknaden om godkjenning av programfaget, klima- og miljøfag, og kva vil statsråden gjere for å sikre ei snarleg avklaring på søknaden?
-
Dokument nr. 15:532 (2023-2024)
Innlevert: 26.11.2023
Sendt: 27.11.2023
Svart på: 04.12.2023 av helse- og omsorgsminister Ingvild Kjerkol
Er det riktig forstått at helseministeren ikkje har sørga for at samfunns- og næringsanalyser og konsekvensvurdering av samla samfunnsberedskap i Nord-Noreg inngår i beslutningsgrunnlaget for ein ny sjukehusstruktur i Nord-Noreg der det no blir tilrådd sentralisering av institusjonar og tenestetilbod, kan statsråden garantere at regjeringa vil sørge for at slike analyser og vurderingar blir gjort i den vidare prosessen og at eit slikt samla beslutningsgrunnlag blir lagt fram for Stortinget for vurdering og avgjerd?
-
Dokument nr. 15:517 (2023-2024)
Innlevert: 23.11.2023
Sendt: 24.11.2023
Svart på: 01.12.2023 av klima- og miljøminister Andreas Bjelland Eriksen
Regjeringa har iverksett eit stort arbeid for å gjere ei heilt naudsynt forbetring av villrein sine kår i Noreg.
Kan statsråden gjere greie for kva kunnskap som ligg til grunn for behovet for ny politikk, og kva prosessar ein ser føre seg framover både retta mot lokalbefolkning, brukarinteresser og Stortinget?
-
Dokument nr. 15:495 (2023-2024)
Innlevert: 20.11.2023
Sendt: 20.11.2023
Svart på: 27.11.2023 av arbeids- og inkluderingsminister Tonje Brenna
1. april tredde nye innleigereglar i kraft. Frå 1/1-2024 blir regelverket stramma inn ytterlegare, men det er enno på mange område uavklart korleis dei nye reglane skal tolkast, spesielt for sjølvstendige konsulentar anten som enkeltpersonføretak eller som einaste tilsett i eige AS.
Kan statsråden avklare om det vil vere mogleg å leige seg ut som konsulent under dei nye reglane, og vil dei som har AS med ein enkelt tilsett og enkeltmannsføretak også få fritak frå regelverket eller må dei registrere seg som bemanningsforetak?
-
Dokument nr. 15:485 (2023-2024)
Innlevert: 19.11.2023
Sendt: 20.11.2023
Svart på: 24.11.2023 av arbeids- og inkluderingsminister Tonje Brenna
Mange bedrifter opplever det som svært komplisert og tidkrevjande å rekruttere arbeidstakarar frå land utanfor EU/EØS-området. Det er stadig lenger ventetid både hos UDI og politiet, og prosessen blir opplevd som oppstykka og lite brukartilpassa, også samanlikna med våre nordiske naboland.
Kva konkrete tiltak vil regjeringa setje inn for å korte ned sakshandsamingstida og gjere det enklare for bedrifter å rekruttere arbeidstakarar frå land utanfor EU/EØS-området?
-
Dokument nr. 15:480 (2023-2024)
Innlevert: 19.11.2023
Sendt: 20.11.2023
Svart på: 27.11.2023 av næringsminister Jan Christian Vestre
Er næringsministeren uroa for utviklinga i byggebransjen med sterk vekst i konkursar og svake prognoser for nybyggmarknaden, og er ministeren samd i at rask implementering av EU sitt direktiv om energieffektivisering av hus kan vere eit godt virkemiddel for raskt å utløyse større aktivitet innanfor energioppgradering av norske bustader, noko som både vil vere viktig for byggebransjen og kunne bidra sterkt til å nå måla sett av Energikommisjonen for å frigjere kapasitet i straumnettet fram mot 2030?
-
Dokument nr. 15:413 (2023-2024)
Innlevert: 12.11.2023
Sendt: 13.11.2023
Svart på: 20.11.2023 av helse- og omsorgsminister Ingvild Kjerkol
Ein kafé i Kongsvinger har fått beskjed frå kommunen sine skjenkekontrollørar om at eit måleri som heng i kafeen er ulovleg alkoholreklame, fordi kunstverket syner ei kvinne som held eit glas med raud drikke i handa. Kafeen fekk også påtale for å nytte ei brukt vinflaske som blomstervase.
Meiner helseministeren at desse forholda er ulovleg alkoholreklame i strid med lova, og viss ikkje, er statsråden samd i at det er på tide å forenkle, fornye og mjuke opp eit uforståeleg og meiningslaust strengt regelverk?