Samferdselsdepartementet legg i proposisjonen fram
forslag om finansiering av fylkesveg 545 i Fitjar og Stord kommunar
ved forlenging av eksisterande bompengeinnkrevjing på ferjesambandet
E39 Halhjem–Sandvikvåg med to år. I tillegg til bompengar er det
lagt til grunn fylkeskommunale midlar. Delar av dei fylkeskommunale
midlane er føresett forskottert av lokalt næringsliv.
Gjennom behandlinga av St.prp. nr. 1 (2001–2002)
slutta Stortinget seg til delvis bompengefinansiert utbygging av
delstrekningar på E39 på Stord mellom Borevik, like sør for Jektevik,
og Sandvikvåg. Innkrevjinga skulle gjennomførast ved påslag på ferjetakstane
på sambandet E39 Halhjem–Sandvikvåg. Bompengeinnkrevjinga
starta opp i 2002 og var føresett avslutta ved utgangen av 2008.
Gjennom behandlinga av St.prp. nr. 1 (2008–2009) blei bompengeperioden
utvida med fire år til utgangen av 2012. Den samla økonomiske ramma
for utbygginga av E39 på Stord er om lag 420 mill. kroner i 2012-prisnivå.
Det er rekna med at utbygginga innafor fastsett økonomisk
ramme vil halda fram til 2015. Den fastsette ramma er likevel ikkje
tilstrekkeleg til å byggja ut alle attståande delstrekningar på
E39 mellom Borevik og Sandvikvåg.
Fv. 545 går på vestsida av Stord. Delar av vegen er
smal og svingete. Vegen er einaste omkjøringsveg dersom E39 må stengast.
Det er eit mål å gjera vegen tryggare for gåande og syklande ved
å etablera gang- og sykkelveg. Det er aktuelt å gjennomføra fire
prosjekt:
Kostnadene ved å gjennomføra alle fire prosjekta er
førebels rekna til om lag 70 mill. kroner. Det er stor uvisse ved
kostnadene, m.a. fordi reguleringsplanen skal reviderast. Eitt av
prosjekta blir gjennomført i 2012 med forskotterte midlar. Dei andre prosjekta
blir starta opp når finansieringa er avklart.
Bompengesøknaden for «Bompengepakken Stord vestside»
er utarbeidd av Hordaland fylkeskommune i samarbeid med Statens
vegvesen og Fitjar og Stord kommunar. Den lokalpolitiske behandlinga
går elles fram av pkt. 4 i proposisjonen.
Det er lagt til grunn ei samla økonomisk ramme på
59 mill. kroner i 2012-prisnivå. Det er ikkje lagt til grunn låneopptak.
Bompengepakkar er meir fleksible enn bompengeopplegg
for enkeltprosjekt. Samferdselsdepartementet vil peika på at det
er stor uvisse ved kostnadsoverslaga som ligg føre, m.a. fordi reguleringsplanen skal
reviderast. Dei aktuelle prosjekta er ikkje fullfinansierte. Omfanget
av utbygginga vil bli tilpassa den økonomiske ramma. Sidan utbygginga
omfattar fleire mindre prosjekt, bør det ikkje vere problematisk
å tilpassa utbygginga til tilgjengelege midlar.
Finansieringa av utbygginga er basert på bompengar
og fylkeskommunale midlar (18 mill. kroner). Delar av dei fylkeskommunale
midlane er føresett forskottert av lokalt næringsliv.
Det er lagt til grunn at bompengeinnkrevjinga skal
starta opp 1. januar 2013 som ei direkte vidareføring av dagens
innkrevjing på ferjesambandet Halhjem–Sandvikvåg. Det er lagt til
grunn ein bompengeperiode på to år for å finansiera opprustinga
av fv. 545. Det er rekna med netto bompengeinntekter på vel 20 mill.
kroner pr. år, eller 41 mill. kroner over to år.
Hordaland fylkeskommune er bompengeselskap for
dagens bompengeordning. Det er lagt opp til at fylkeskommunen skal
vera bompengeselskap også ved vidareføringa.
Det er rekna med at trafikken til og frå Fitjar
er i storleiksorden 15 pst. av trafikken på ferjesambandet Halhjem–Sandvikvåg.
Årsdøgntrafikken på fv. 545 er om lag 1 100 kjøretøy.
Etter at Stortinget har fatta vedtak om finansiering
av fv. 545 i Fitjar og Stord kommunar i Hordaland, vil det bli inngått
tilleggsavtale mellom Statens vegvesen Vegdirektoratet og bompengeselskapet
i tråd med dei vilkåra som er lagt til grunn i proposisjonen.
Komiteen, medlemene frå Arbeidarpartiet,
Anne Marit Bjørnflaten, Susanne Bratli, Freddy de Ruiter, Gorm Kjernli,
Magne Rommetveit og Tone Merete Sønsterud, frå Framstegspartiet,
Jan-Henrik Fredriksen, Ingebjørg Godskesen, Bård Hoksrud og Arne
Sortevik, frå Høgre, Øyvind Halleraker, Lars Myraune og Ingjerd
Schou, frå Sosialistisk Venstreparti, Hallgeir H. Langeland, frå
Senterpartiet, Janne Sjelmo Nordås, og frå Kristeleg Folkeparti,
leiaren Knut Arild Hareide, syner til at fv. 545, som går
på vestsida av Stord, er einaste omkøyringsveg dersom E39 på austsida
må stengast. Delar av vegen er smal og svingete og det er eit mål å
gjera vegen tryggare for gåande og syklande ved å etablera gang-
og sykkelveg.
Komiteen merkar seg at realisering
av dei fire aktuelle delprosjekta vil innebera at fv. 545 både vil verta
meir trafikksikker og lettare framkomeleg:
1. Fitjar sentrum–Rimbareid
får utbetring til tofelts veg og gang- og sykkelveg, 1,2 km.
2. Sagvåg bru vert utvida med ny køyrebane
og får utbetra gangbru.
3. Strekninga ved kommunegrensa mellom
Stord og Fitjar, om lag 2 km, får breiddeutviding og fjerning av
sidehinder.
4. Rimbareid–Vik får utbetring til tofelts
veg og gang- og sykkelveg, om lag 2 km.
Fleirtalet i komiteen, medlemene frå
Arbeidarpartiet, Høgre, Sosialistisk Venstreparti, Senterpartiet
og Kristeleg Folkeparti, registrerer at kostnaden ved å
gjennomføra dei fire prosjekta førebels er rekna til om lag 70 mill.
kroner, men at det er knytt uvisse ved kostnadene, m.a. fordi reguleringsplanen
skal reviderast. Omfanget av utbygginga vil bli tilpassa den økonomiske
ramma. Sidan utbygginga omfattar fleire mindre prosjekt, bør det
ikkje vera problematisk å tilpassa utbygginga til tilgjengelege
midlar.
Fleirtalet har merka seg at finansiering
av utbygginga er basert på bompengar og fylkeskommunale midlar (18
mill. kroner), og at deler av dei fylkeskommunale midlane er føresett
forskottert av lokalt næringsliv.
Fleirtalet syner til at den føreslegne
bompengeinnkrevjinga frå 1. januar 2013 vil vera ei direkte vidareføring
av dagens innkrevjing på ferjesambandet Halhjem–Sandvikvåg og at
det vert lagt til grunn ein bompengeperiode på to år. Det vert rekna
med netto inntekter på 41 mill. kroner i bompengar.
Fleirtalet har merka seg at bompengeinnkrevjinga
som starta på ferjesambandet Halhjem–Sandvikvåg i 2002,
og som skal avsluttast ved utgangen av 2012, har delfinansiert opprustinga
på E39 over Stord. Om lag 15 pst. av ferjetrafikken ved sambandet
nyttar fv. 545.
Fleirtalet vil ut frå dette sjå
det som rimeleg at ferjetrafikantane desse to åra er med på spleiselaget
for også å rusta opp den viktige avlastingsvegen fv. 545.
Fleirtalet registrerer at Os
kommune har gått imot finansieringsopplegget for fv. 545, med grunngjeving
i at E39 først og fremst er viktig som stamveg mellom Bergen og
Stavanger. Kommunane Fitjar og Stord samt Hordaland fylkeskommune
stør finansieringsopplegget.
Fleirtalet vurderer det ut frå
dette til å vera tilstrekkeleg lokalpolitisk tilslutnad til opplegget.
Komiteens medlemmer fra Fremskrittspartiet minner
om at Norge er blitt et svært rikt land, men at et gammeldags og
dårlig vedlikeholdt veinett reduserer konkurransekraft og verdiskaping,
øker faren for trafikkulykker og forsterker miljøvirkningene fra
veitrafikken.
Disse medlemmer mener at en større
del av Norges finansielle rikdom må investeres i norsk realkapital
i Norge og at finansinvesteringene i et internasjonalt urolig og
risikofylt finansmarked bør reduseres. Disse medlemmer peker
også på at bruk av bompengefinansiering til veibygging i Norge er en
svært kostbar finansieringsform for bilistene. Disse medlemmer mener
at staten skal ha ansvar for en forsvarlig veiutbygging i landet
og at bruk av bompenger, veiprising eller annen direkte trafikantbetaling
er en ytterligere beskatning av trafikantene. Disse medlemmer mener
statens ansvar skal omfatte både riks- og fylkesveier og minner
om at Fremskrittspartiet vil omgjøre forvaltningsreformen og avvikle
ordningen med fylkeskommuner.
Disse medlemmer peker også på
at bruken av bompengefinansiering har økt kraftig under rødgrønn
regjering. I perioden 2005–2009 ble det med stemmene fra regjeringspartiene
Arbeiderpartiet, Sosialistisk Venstreparti og Senterpartiet, og
med tilslutning fra partiene Høyre, Kristelig Folkeparti og Venstre
i Stortinget, vedtatt prosjekter med bompengefinansiering der samlet
bompengebeløp var ca. 68 mrd. kroner med tillegg av hhv. 7,6 mrd.
kroner til dekning av renter og 5,4 mrd. kroner til dekning av innkrevingskostnader.
Samlet var beløpet 81 mrd. kroner og innebærer en omfattende ekstra
skatt på transport vedtatt av alle partier med unntak av Fremskrittspartiet.
Disse medlemmer viser til at
hittil i perioden 2009–2013 er tallene inklusiv prosjektene omtalt i
inneværende sak, ca. 23 mrd. kroner i bompenger, 13,5 mrd. kroner
i renter og 2,6 mrd. kroner i innkrevingskostnader, samlet 39.1
mrd. kroner. Også dette en omfattende ekstra skatt på transport
vedtatt med stemmene til regjeringspartiene Arbeiderpartiet, Sosialistisk
Venstreparti og Senterpartiet og med tilslutning fra partiene Høyre,
Kristelig Folkeparti og Venstre.
Disse medlemmer legger vekt på
at fv. 545 går på vestsiden av Stord og er eneste omkjøringsvei dersom
E39 på østsiden må stenges. Disse medlemmer vurderer
utbedringsprosjektet for fv. 545 som består av 4 mindre delprosjekter,
slik det er omtalt i saken, som et relevant og nødvendig sikringstiltak
knyttet til E39 som er en av landets viktigste europaveier. Disse
medlemmer legger derfor til grunn at staten bidrar med finansieringsmidler
i samarbeid med Hordaland fylkeskommune.
Disse medlemmer fremmer følgende
forslag:
«Stortinget samtykker i at prosjektene på fv. 545 i
Fitjar og Stord kommune i Hordaland, slik de er beskrevet i Prop.
149 S (2011–2012), gjennomføres som et fellesprosjekt finansiert
av Hordaland fylkeskommune med 18 mill. 2012-kroner og staten ved Statens
vegvesen med 41 mill. 2012-kroner. Stortinget legger til grunn at
staten forskotterer sitt eget bidrag, og at endelig finansiering
for statens samlede bidrag til prosjektet legges inn i revidert
nasjonalbudsjett for 2013.»
Forslag fra Fremskrittspartiet:
Forslag 1
Stortinget samtykker i at prosjektene på fv. 545
i Fitjar og Stord kommune i Hordaland, slik de er beskrevet i Prop.
149 S (2011–2012), gjennomføres som et fellesprosjekt finansiert
av Hordaland fylkeskommune med 18 mill. 2012-kroner og staten ved Statens
vegvesen med 41 mill. 2012-kroner. Stortinget legger til grunn at
staten forskotterer sitt eget bidrag, og at endelig finansiering
for statens samlede bidrag til prosjektet legges inn i revidert
nasjonalbudsjett for 2013.
Tilrådinga frå komiteen vert fremja av Arbeidarpartiet,
Høgre, Sosialistisk Venstreparti, Senterpartiet og Kristeleg Folkeparti.
Komiteen viser til proposisjonen
og merknadene og rår Stortinget til å gjera følgjande
vedtak:
I
Stortinget samtykkjer i at bompengeselskapet får løyve
til å krevja inn bompengar til delvis bompengefinansiering av fv. 545
i Fitjar og Stord kommunar i Hordaland. Vilkåra går fram av Prop.
149 S (2011–2012) og Innst. 50 S (2012–2013).
II
Samferdselsdepartementet får fullmakt til å inngå
tilleggsavtale med bompengeselskapet og fastsetja nærare
reglar for finansieringsordninga.
Oslo, i transport- og kommunikasjonskomiteen, den 8. november 2012
Knut Arild Hareide |
Magne Rommetveit |
leiar |
ordførar |