I Stortingets møte 4. juni 2010 ble det gjort slikt
I lov 17. juli 1998 nr. 61 om grunnskolen og den vidaregåande
opplæringa blir det gjort desse endringane:
§ 2-10 nytt tredje ledd skal lyde:
Med mindre kommunen fastset noko anna, kan rektor
bestemme at lærarane skal ha mynde til å ta avgjerd om bortvising
frå eiga undervisning for ei opplæringsøkt, avgrensa til to klokketimar.
§ 2-12 tredje ledd skal lyde:
For private grunnskolar gjeld også §§ 2-2, 2-5 første,
andre, tredje og sjette ledd, 2-9, 2-10, 2-11, 8-2, 9-1, 9-2, 9-3,
9-4, 9-5, 9-6, kapittel 9a, §§ 10-1, 10-6, 10-9, 11-1, 11-2, 11-3,
11-4, 11-7, 11-10, 13-3b, 13-7a, 13-10, 14-1,
15-3 og 15-4.
§ 3-3 første ledd skal lyde:
Den vidaregåande opplæringa skal føre fram til studiekompetanse,
yrkeskompetanse eller grunnkompetanse.
§ 3-8 første ledd skal lyde:
Fylkeskommunen kan fastsetje i ordensreglementet at elevar
som alvorleg eller fleire gonger bryt reglementet, kan visast bort
i inntil fem dagar. Rektor sjølv vedtek å vise bort ein elev etter
leddet her etter å ha rådført seg med lærarane til eleven. Med
mindre fylkeskommunen fastset noko anna, kan rektor bestemme at
lærarane skal ha mynde til å ta avgjerd om bortvising frå eiga undervisning
for ei opplæringsøkt, avgrensa til to klokketimar.
§ 7-3 nytt andre ledd skal lyde:
Elevar som har plass i skolefritidsordninga, jf. opplæringslova
§ 13-7, og som på grunn av funksjonshemming eller mellombels skade
eller sjukdom har behov for skyss, har rett til skyss til og frå
skolefritidsordninga. Retten omfattar ikkje skyss i skoleferiane. Retten
til skyss gjeld uavhengig av avstanden mellom heimen og skolefritidsordninga.
§ 7-4 første ledd skal lyde:
Elevane har rett til nødvendig reisefølgje. Elevane har
rett til nødvendig tilsyn når det blir ventetid før undervisningstida
tek til og etter at undervisningstida er slutt. Retten
til nødvendig reisefølgje og til nødvendig tilsyn gjeld også for
barn som har rett til skyss til og frå skolefritidsordninga etter
§ 7-3 andre ledd.
§ 9-4 skal lyde:
§ 9-4 Lærebøker og andre læremiddel
I andre fag enn norsk kan det berre brukast lærebøker og
andre læremiddel som ligg føre på bokmål og nynorsk til same tid
og same pris. I særlege tilfelle kan departementet gjere unntak
frå denne regelen.
Norske og samiske lærebøker og
tilsvarande digitale læremiddel som blir brukte i skolen,
skal vere i samsvar med offisiell rettskriving. Nynorskutgåvene skal
følgje læreboknormalen. Med lærebøker er her meint alle
trykte læremiddel som elevane regelmessig bruker for å nå vesentlege
delar av kompetansemåla i eit fag.
Lesebøkene i norskfaget i grunnskolen skal ha nok tilfang
på begge målformer slik at elevane lærer å lese både bokmål og nynorsk.
Ordlister og ordbøker til skolebruk
skal godkjennast av Språkrådet.
Departementet gir nærmare forskrifter om kva læremiddel
som er omfatta av kravet i første leddet.
Reglane i første og fjerde ledd gjeld ikkje for
samiske læremiddel.
§ 10-4 første ledd skal lyde:
Undervisningsstillingar og rektorstillingar skal lysast
ut offentleg. Kravet om slik utlysing gjeld ikkje for stillingar
som er ledige for eit kortare tidsrom enn seks månader, eller når
arbeidsgivaren skal tilby stillinga til ein arbeidstakar eller tidlegare
arbeidstakar i verksemda med heimel i arbeidsmiljøloven § 14-2 om førerett
til ny tilsetjing, § 14-3 om førerett for tilsette som
arbeider deltid eller § 15-7 om oppseiingsvern.
§ 13-6 andre ledd skal lyde:
Regelen i § 10-9 første, andre og fjerde ledd
gjeld for tilsetjing i musikk- og kulturskolar.
§ 13-7 sjette ledd skal lyde:
Regelen i § 10-9 første, andre og fjerde ledd
gjeld for tilsetjing i skolefritidsordninga.
Ny § 13-7a skal lyde:
§ 13-7a Plikt for kommunen til å ha tilbod
om
leksehjelp
Kommunen skal ha eit tilbod om leksehjelp for elevar
på 1.–4. årstrinn.
Tilbodet skal vere gratis for elevane. Elevane
skal ha rett til å delta på leksehjelptilbodet, men det skal vere
frivillig om dei ønskjer å delta.
Regelen i § 10-9 første, andre og fjerde ledd
gjeld tilsvarande for dei som skal gi leksehjelp.
Departementet gir nærmare forskrifter om leksehjelptilbodet.
I lov 4. juli 2003 nr. 84 om private skolar med rett til
statstilskot blir det gjort desse endringane:
§ 3-10 første ledd skal lyde:
Skolen kan fastsetje i ordensreglementet at elevar som
alvorleg eller fleire gonger bryt reglementet, kan visast bort frå
undervisninga. På årstrinna 1-7 kan elevar visast bort for enkelttimar
eller for resten av dagen, og på årstrinna 8-10 kan elevar visast
bort i inntil tre dagar. Elevar i vidaregåande opplæring kan visast bort
i inntil fem dagar. Den daglege leiaren av skolen vedtek sjølv bortvising
etter å ha rådført seg med lærarane til eleven. Med mindre
styret fastset noko anna, kan dagleg leiar bestemme at lærarane
skal ha mynde til å ta avgjerd om bortvising frå eiga undervisning
for ei opplæringsøkt, avgrensa til to klokketimar. Foreldra
til elevar på årstrinna 1-7 skal varslast før det blir sett i verk
bortvising for resten av dagen.
Ny § 7-1d skal lyde:
§ 7-1d Plikt for skolen til å sørgje for
foreldresamarbeid
Skolen skal sørgje for samarbeid med foreldra. Plikta
gjeld grunnskolen og vidaregåande opplæring. Organiseringa av foreldresamarbeidet
skal ta omsyn til lokale tilhøve. Departementet gir nærmare forskrifter.
Ny § 7-1e skal lyde:
§ 7-1e Plikt for skolen til å ha tilbod
om leksehjelp
Skolen skal ha eit tilbod om leksehjelp for elevar på
1.–4. årstrinn.
Tilbodet skal vere gratis for elevane. Elevane
skal ha rett til å delta på leksehjelptilbodet, men det skal vere
frivillig om dei ønskjer å delta.
Regelen i § 4-3 første, andre og fjerde ledd gjeld tilsvarande
for dei som skal gi leksehjelp.
Departementet gir nærmare forskrifter om leksehjelptilbodet.
Lova trer i kraft på det tidspunkt Kongen bestemmer. Dei enkelte
føresegnene kan setjast i verk på ulikt tidspunkt.
Dag Terje Andersen |
president |