Eg syner til brev av 16. oktober 1998.
Under kap. 923 Forsknings- og utviklingskontrakter, post
70 er det for 1999 ført opp ei løyving på 137,8 mill.
kroner. Dette er ein reduksjon på 25 mill. kroner samanlikna
med 1998. Det er vidare foreslått ei tilsegnsfullmakt
for 1999 på 140 mill. kroner. Dette er det same nivået
som for 1998. Løyvinga skal m.a. nyttast til å dekke
tilsegn gitt under ordninga i 1998 og tidlegare år. Forslaget
til reduksjon har samanheng med behovet for å stramme inn
på statsbudsjettet.
I St meld nr 40 (1997-98) Eierskap i næringslivet, foreslo
regjeringa at det vart skipa ei ny ordning med prosjektutviklingstilskot.
Dette forslaget er følgt opp med ei løyving på 25
mill. kroner under kap. 2420 Statens nærings- og distriktsutviklingsfond,,
post 54. I tillegg er det foreslått ei tilsegnsfullmakt
på 75 mill. kroner. Dette er ei ny ordning med ei samla
ramme på 100 mill. kroner. Løyvinga på 25
mill. kroner skal dekkje tilsegn som ein reknar med vil kome til
utbetaling i 1999. Vidrare er det under kap. 5320 Statens nærings-
og distriksutviklingsfond, post 80 Tilbakeføring av tilskot
frå eigenkapitalordning, gjort framlegg om løyving
på 140 mill. kroner mellom anna til inndekking av ordninga
med prosjektutviklingstilskot. Det er såleis ingen direkte
samanheng mellom forslaget til reduksjon i løyvinga under
kap. 923, post 70 og den nye ordninga under kap. 2420, post 54.