Til Odelstinget
Kommunal- og regionaldepartementet legg i proposisjonen fram
forslag om at arbeidstvisten mellom Kommunalansattes Fellesorganisasjon
(KFO) og Servicebedriftenes Landsforening (SBL) i samband med tariffrevisjonen
2002 skal avgjerast av Rikslønnsnemnda. Departementet legg
samtidig fram forslag om at det blir forbode å setje i
verk eller oppretthalde arbeidskamp for å løyse
tvisten.
Tvisten har oppstått i samband med lønnsoppgjeret
2002 mellom private ambulanseselskap som er medlemer i SBL og ambulansesjåførar
som er medlemer i KFO.
Forhandlingar om ny tariffavtale førde ikkje fram, og
KFO braut forhandlingane og varsla plassoppseiing 6. september
2002. Riksmeklingsmannen la ned forbod mot arbeidskamp 8. september
og innkalla partane til mekling. Meklinga blei avslutta natt til
torsdag 26. september 2002 utan resultat.
KFO tok 26. september ut 65 av sine medlemer i Nord-Trøndelag
og Nordland i streik.
Streiken blei trappa opp frå 2. oktober då KFO tok
ut 58 nye medlemer i streik.
Ytterlegare opptrapping kom 8. oktober 2002. Frå denne
datoen var i alt 262 arbeidstakarar omfatta av streiken i til saman
9 fylke: Finnmark, Troms, Nordland, Nord-Trøndelag, Sør-Trøndelag,
Oppland, Hedmark, Telemark og Buskerud.
Kommunal- og regionaldepartementet har fått jamnleg
informasjon frå Statens helsetilsyn om verknadene av tvisten
og deira vurdering av konsekvensane. I proposisjonen er det gitt
eksempel på dette.
Kommunal- og regionaldepartementet kalla partane inn til eit
møte måndag 14. oktober kl. 21.30. Statsråden
informerte om at Regjeringa på grunnlag av dei konsekvensane
streiken no kunne få, hadde vedteke å fremje forslag
om å bruke tvungen lønnsnemnd for å stanse
konflikten. På oppmoding frå statsråden
sa KFO at deira medlemer ville gå tilbake til arbeidet
med det same.
Etter ei samla vurdering, særleg med grunnlag i rapporten
frå Statens helsetilsyn, har Kommunal- og regionaldepartementet
kome til at omsynet til liv og helse talar for at konflikten mellom
KFO og SBL no blir løyst utan ytterlegare arbeidskamp.
Kommunal- og regionaldepartementet meiner at eit vedtak om tvungen
lønnsnemnd i denne arbeidskonflikten er innanfor ramma
av dei konvensjonane Noreg har ratifisert.
Komiteen, medlemene frå Arbeidarpartiet,
Sigvald Oppebøen Hansen, Reidar Sandal, Karl Eirik Schjøtt-Pedersen
og Signe Øye, frå Høgre, Peter Gitmark,
Gunn Marit Helgesen og Hans Kristian Hogsnes, frå Framstegspartiet,
Torbjørn Andersen og Per Sandberg, frå Sosialistisk
Venstreparti, Helge Bjørnsen og Heikki Holmås,
frå Kristeleg Folkeparti, Anita Apelthun Sæle
og Ivar Østberg og frå Senterpartiet leiaren Magnhild
Meltveit Kleppa, er kjend med at det er usemje mellom Kommunalansattes
Fellesorganisasjon og Servicebedriftenes Landsforening om i kva
grad arbeidsgjevar nytta seg av høvet til å søkja
om dispensasjon for akuttberedskap. Komiteen meiner
likevel Helsetilsynet sine vurderingar av situasjonen i Nord- og
Sør-Trøndelag datert 14. oktober 2002
slik dei kjem fram i proposisjonen, tilseier at det kunne vera fare
for liv og helse. Komiteen sluttar seg såleis
til lovforslaget frå Regjeringa.
Komiteens medlemmer fra Sosialistisk Venstreparti
og Fremskrittspartiet mener den aktive bruken av tvungen
lønnsnemnd som ulike regjeringer bruker mot konflikter
i arbeidslivet, gjør at partene ikke i tilstrekkelig grad
bestreber seg på selv å finne løsninger
i forhandlinger. Dette kan medføre at partene i arbeidslivet
spekulerer i at regjeringen griper inn med lønnsnemnd.
Disse medlemmer vil understreke det ansvar partene
i arbeidslivet har for å finne løsninger i frie
forhandlinger, og mener en mer tilbakeholden bruk av lønnsnemnd
ville ha medført et større press på partene
for å inngå omforente avtaler.
Disse medlemmer har registrert at det eksisterer
en uenighet mellom de Kommunalansattes Fellesorganisasjon og Servicebedriftenes
Landsforening om hvorvidt Servicebedriftenes Landsforening unnlot å søke
om dispensasjon for akuttberedskap og derigjennom satte liv og helse
i fare, eller om dette gjaldt en utvidelse av dispensasjonsadgangen.
Det kan innebære at bruk av tvungen lønnsnemnd
i denne konflikten kunne vært unngått hvis nødvendige
dispensasjoner for å unngå å sette liv
og helse i fare hadde blitt gjennomført.
Disse medlemmer mener likevel at de opplysninger
som er fremkommet i proposisjonen, bl.a. fra Helsetilsynet, om at
situasjonen var svært alvorlig og at det var fare for liv
og helse, her må være avgjørende.
Disse medlemmer vil på dette grunnlag slutte
seg til innstillingen.
Komiteen har elles ingen merknader,
viser til proposisjonen og rår Odelstinget til å gjere
slikt
vedtak til lov
om lønnsnemndbehandling av arbeidstvisten mellom Kommunalansattes
Fellesorganisasjon
og Servicebedriftenes Landsforening i samband
med tariffrevisjonen 2002
§ 1
Tvisten mellom Kommunalansattes Fellesorganisasjon og Servicebedriftenes
Landsforening i samband med tariffrevisjonen 2002 skal avgjerast
av Rikslønnsnemnda.
Reglane i lov 19. desember 1952 nr. 7 om lønnsnemnd
i arbeidstvistar blir brukt tilsvarande.
§ 2
Det er forbode å setje i verk eller oppretthalde
arbeidsstans eller blokade til løysing av tvisten.
§ 3
Lova her tek straks til å gjelde.
Lova gjeld fram til Rikslønnsnemnda har avgjort tvisten.
Oslo, i kommunalkomiteen, den 5. november 2002
Magnhild Meltveit Kleppa |
Hans Kristian Hogsnes |
leiar og ordførar |
sekretær |