I St.prp. nr. 1 (2008–2009) blei det gjort greie
for at leverandøren er forseinka i sin leveranse av Nødnett. Alle
etatar har hatt meirutgifter i forbindelse med sine delprosjekt
som følgje av leverandøren si forseinking.
Løyvinga under post 1 dekkjer staten sine kostnader
til drift av Direktoratet for nødkommunikasjon (DNK) og kostnader
til drift til leverandør for dei områder som blir bygd ut og satt
i drift i 2007 og 2008. Justisdepartementet har i 2008 budsjettert
med inntil 17,5 mill. kroner på kap. 456 post 1 til å dekkje delar
av meirkostnadene knytt til forseinkinga. Det blei bestemt at midlane
skulle delast likt mellom etatane, dvs. 5,833 mill. kroner til kvar
etat. Politietaten vil nytte sin del av refusjonen til dekning av
meirutgifter til drift i sitt delprosjekt. Brannetaten vil nytte
4,355 mill. kroner på post 1 og 1,478 mill. kroner på post 45. Helseetaten
vil nytte heile sin del av beløpet på post 45. Etatane sine ønskje
om å nytte refusjonar på post 45 blir forklart med at dei ønskjer
å nytte midlane til nødvendige endringar i kommunikasjonssentralar
for eigen etat som del av tilleggskontrakten inngått med leverandør
i sommar.
På denne bakgrunn foreslår Justisdepartementet å
omdisponere 7,311 mill. kroner frå kap. 456 post 1 til kap. 456
post 21.
Løyvinga under post 45 skal dekkje investeringar
i radionett, utstyr til nødetatane sine kommunikasjonssentralar
og terminalar for første utbyggingsområde.
Med bakgrunn i leverandøren sine forseinkingar på
om lag eit år og endringane i kontrakten, foreslår Justisdepartementet
ein reduksjon av løyvinga på kap. 456 post 45. Løyvinga på posten
relatert til Nødnett blir foreslått redusert med totalt 273,561
mill. kroner.
DNK har varsla at dei i samband med dekning
av deler av meirutgiftene til nødetatane har behov for å nedjustere
løyvinga på kap. 456 post 1 med ei samanfallande oppjustering av
kap. 456 post 45. Justisdepartementet foreslår derfor å omdisponere
7,311 mill. kroner frå kap. 456 post 1 til kap. 456 post 45.
Samla foreslår Justisdepartementet å redusere løyvinga
på kap. 456 post 45 med 266,25 mill. kroner i 2008.
I samband med første utbyggingsområde av Nødnett
vil det oppstå utgifter for DNK som skal bli refundert av leverandøren.
Basert på forseinkinga i utbygginga reknar DNK med
refusjonar i 2008 på 16,253 mill. kroner. Gjeldande løyving under
kap. 3456 post 2 er 21,253 mill. kroner, noko som utgjer eit mindrebehov
på 5 mill. kroner.
På denne bakgrunn foreslår Justisdepartementet å
redusere løyvinga på kap. 3456 post 2 med 5 mill. kroner i 2008.