Aktiviteten i luftfartssektoren er i 2008 høgare enn
venta. Departementet foreslår å auke løyvinga på kap. 1313, post
1 Driftsutgifter, med 12 mill. kroner. Inntektene blir auka tilsvarande,
jf. kap. 4313 post 1.
Samferdselsdepartementet foreslår å auke løyvinga
på kap. 4313, post 1 Gebyrinntekter, med 12 mill. kroner, jf. omtalen
under kap. 1313, post 1 Driftsutgifter.
Fram til i dag har Luftfartstilsynet leigd lokale
av Avinor AS på Bodø lufthamn. Luftfartstilsynet i Bodø har no blitt
så stort at lokala er for små. Luftfartstilsynet arbeider derfor
no med å skaffe nye lokale til verksemda i Bodø.
Samanlikna med i dag legg departementet til grunn
ei auka årleg driftsutgift for leige av lokale på 12–15 mill. kroner
frå og med budsjettåret 2011.
Dei auka kostnadene vil i stor grad bli dekt
inn gjennom auka gebyrinntekter på kap. 4313, post 1 Gebyrinntekter.
Samferdselsdepartementet ber om at departementet
kan gi Luftfartstilsynet fullmakt til å inngå avtale om leige av
lokale som pådrar staten forpliktingar på inntil 15 mill. kroner
ut over det som kan dekkjast innafor gjeldande løyvingsnivå under
kap. 1313, post 1 Driftsutgifter, frå og med budsjettåret 2011.
Fleirtalet i komiteen,
alle unnateke medlemene frå Framstegspartiet, har ingen merknader
og støttar Regjeringa sitt forslag.
Komiteens medlemmer fra Fremskrittspartiet viser
til at Riksrevisjonen i Dokument nr. 1 (2008–2009) har merknader
til utfakturering av gebyrinntekter, og forutsetter at nødvendige
tiltak gjennomføres for å rette på dette.
Disse medlemmer har merket seg
at flytting til nye lokaler vil gi økte leiekostnader for Luftfartstilsynet
på 12 mill. kroner fra og med 2011. Disse medlemmer er
enig i at Luftfartstilsynet bør ha bemanning og lokaler som sikrer
utøvelse av tilsyn med luftfarten, men mener dette bør gjøres uten
at gebyrinntektene økes kraftig.