Presidenten: Dette spørsmålet, frå representanten Øyvind
Korsberg til nærings- og handelsministeren, vil bli svart
på av samferdselsministeren på vegner av nærings-
og handelsministeren.
Øyvind Korsberg (FrP) [12:13:51]: «Konkurransesituasjonen for Hurtigruten
er nå meget vanskelig på hjemmemarkedet.
Grunnen er at utenlandske cruiseskip har
langt lavere kostnader i form av mannskap fra lavkostland og lavere
avgifter. Ledelsen i Hurtigruten Group vurderer nå å flagge
ut flere skip.
Hva vil statsråden konkret
gjøre for at Hurtigruten skal få konkurrere på lik
linje med utenlandske cruiseskip langs
norskekysten, slik at norske arbeidsplasser ivaretas?»
Statsråd Liv Signe
Navarsete [12:14:24]: Hurtigruta er
ein av berebjelkane i transportsystemet langs kysten i Noreg
og er dessutan rekna som ei av Noregs mest attraktive
og unike reiselivsopplevingar.
Hurtigrutereiarlaga er tildelte eit løyve
til å sigla ruta Bergen–Kirkenes med
mellomstader for perioden 2005–2012. Dette inneber ein
rett og ei plikt til å sigla i den nemnde perioden. Ingen
andre selskap har ein slik rett.
Stortinget har på budsjettet til Samferdselsdepartementet
for 2006 gitt ei løyving på 249,5 mill.
kr til Hurtigruta for kjøp
av transporttenester frå hurtigrutereiarlaga. Summen er løyvd
for å halde oppe daglege siglingar på strekninga
Bergen–Kirkenes med eit stoppmønster i samsvar
med ein avtale mellom Samferdselsdepartementet og hurtigrutereiarlaga.
Med omsyn til kapasitet har staten stilt krav
om at skipa skal vere store nok til å kunne ta
med seg distansepassasjerar på strekninga Bergen–Kirkenes
samt ha nødvendig godskapasitet nord for Tromsø.
Storleiken på skipa i dag er større enn krava
i avtalen og er ei løysing selskapa sjølve
har valt på eit kommersielt grunnlag for å auke
inntektene frå turisme. Inntektene frå turisme
utgjer òg hovudinntekta for selskapa. I avtalen
med staten for perioden 1991–2001 låg det betydelege
midlar til omstilling av Hurtigruta
mot turisme. Selskapet har som eit ledd i dette investert store
summar i nye skip.
Avtalen som gjeld no, er til liks med den førre
treårsavtalen ein rein kjøpsavtale
for transportkapasitet på strekninga Bergen–Kirkenes.
Staten kjøper persontransporttenester for distansepassasjerar
med Hurtigruta på same
måten som staten t.d. kjøper persontransporttenester med
tog. Rein statsstøtte til turisme vil vere næringsstøtte og
må vurderast etter dei internasjonale avtalane
om statsstøtte.
Utanlandske cruiseskip
har høve til å sigle i Noreg
i samsvar med EØS-avtalen og dei pliktene Noreg
har teke på seg i WTO og OECD. Dei same
reglane gir norske skip tilgang til utanlandske hamner
og marknader. Konkurransesituasjonen i høve til utanlandske
cruiseskip var ein del av anbodsgrunnlaget for
avtalen mellom hurtigrutereiarlaga og staten.
Det var òg ein del av anbodsgrunnlaget
og avtalen med hurtigrutereiarlaga at dei tilsette om bord skal
ha norske løns- og arbeidsvilkår. Dette
gjeld uavhengig av flagg på skipa. I samsvar med forskrift
om forvalting av tilskot til sysselsetjing
av norske sjøfolk kan ikkje skip som
får anna offentleg tilskot, omfattast av ordninga.
Dette inneber at Hurtigruta etter
gjeldande regelverk ikkje er inkludert i nettolønsordninga.
Etter det eg kan forstå,
er det difor inga endring i konkurransetilhøva
i forhold til utanlandske cruiseskip etter at
avtalen mellom hurtigrutereiarlaga vart inngått
i november 2004. Samstundes har eg forståing for at reiarlaga opplever
at konkurransen er krevjande.
Eg har registrert at hurtigrutereiarlaga
no har teke grep for å betre konkurranseevna
ved ein fusjon av hurtigrutereiarlaga Ofotens og Vesteraalens Dampskibsselskap, OVDS,
og Troms Fylkes Dampskibsselskap, TFDS, til Hurtigruten Group ASA.
Eg trur at fusjonen kan føre
til effektivisering av drifta gjennom synergieffektar med omsyn
til både inntekter og kostnader. Vonleg vil dette
styrkje konkurranseevna for det fusjonerte selskapet og på den
måten sikre effektiv transport og unike reiselivsopplevingar
for dei reisande.
Øyvind Korsberg (FrP) [12:18:13]: Jeg takker statsråden for svaret.
Jeg er helt enig med statsråden i
at det er et enormt flott turisttilbud. Jeg merker meg også at
Regjeringen nå sysler med tanken om å innføre
en turistskatt. Det er sikkert en kreativ måte å bli
kvitt utenlandske turister i Norge
på.
Mitt spørsmål gikk egentlig ikke
på hurtigruteavtalen, som statsråden brukte mesteparten
av svaret sitt på, men på om Regjeringen vil gjøre
noe. Statsråden viste til det gjeldende regelverket, og
jeg er for så vidt kjent med at det ikke gir
rom for å gjøre noen endringer i forhold
til nettolønnsordningen. Men det samme regelverket
kan bare med en forskriftsendring
gjøre at også Hurtigruten kan inkluderes
i nettolønnsordningen på lik linje med en del
andre fartøyer i Norge. Vil statsråden
ta initiativ til å endre
de nasjonale forskriftene?
Statsråd Liv Signe
Navarsete [12:19:17]: Som eg sa i mitt svar, er konkurransesituasjonen
i høve til utanlandske cruiseskip ein
del av anbodsgrunnlaget for avtalen mellom hurtigrutereiarlaga
og staten. Det er òg, som eg sa, i samsvar med gjeldande
forskrift om forvalting av tilskot til sysselsetjing
av norske sjøfolk at dei som får anna offentleg
tilskot, ikkje er omfatta av ordninga. Det er på det
noverande tidspunktet ikkje planar om å endre
den ordninga.
Øyvind Korsberg (FrP) [12:19:51]: Jeg takker statsråden for svaret.
At man ikke vil endre dette
på det nåværende tidspunkt, kan jeg vel
tolke sånn at man skal komme tilbake, bl.a. i revidert,
og gjøre det. Hvis man sier at man ikke
vil endre på det nåværende
tidspunkt, har man iallfall en åpning for det. Da tolker
jeg det positivt, for det er stikk i strid med de signalene vi har
fått fra næringsministeren tidligere. Men det
gir oss et håp.
Man har en rett og en plikt til å seile,
og man har en plikt til å anløpe 33 steder langs
norskekysten. En av de store utfordringene for Hurtigruten, som
er pliktig til å anløpe disse stedene, er at det
er store forskjeller i havneavgifter – fra Mehamn, som
er billigst med 1 150 kr, til Geiranger, som er dyrest med 10 476
kr for å anløpe. Det er steder Hurtigruten er
pliktig å anløpe. Hva vil statsråden gjøre
for å få redusert disse havneavgiftene, for det
gjenspeiler faktisk ikke de tjenestene som disse anløpsstedene stiller
opp med?
Statsråd Liv Signe Navarsete [12:21:00]: Eigarskapen til hamnene er i dag på kommunalt nivå.
Utviklinga av hamnene er ofte sett ut til kommunale og
kanskje òg av og til interkommunale selskap, men som oftast
kommunale selskap. Denne regjeringa har ein politikk der me er opptekne
av å ha eit godt samspel med dei lokale styresmaktene,
men me er òg særdeles lydhøyre for dei
vedtaka som vert gjorde lokalt, og er varsame med å gripe
inn overfor dei.
Fiskeriministeren, som på departementsnivå har
ansvaret for hamnene, har sjølvsagt ein kontinuerleg dialog med
kommunane om dette spørsmålet. Vårt mål
er sjølvsagt at me skal ha ein hamnepolitikk som gjer at
norske hamner er konkurransedyktige, både
for Hurtigruta og for andre
som skal kome til norske hamner – ikkje
minst internasjonal cruisetrafikk, som òg er oppteken av
det same spørsmålet. Men det er eit
spørsmål som fiskeriministeren saman med kommunane
må sjå nærare på.