Alfred Jens Bjørlo (V): Kommunane tilknytt UNESCO Vestnorsk fjordlandskap og Lofotrådet har utarbeidd forslag til løysingar for utprøving av besøksbidrag i verdsarvfjordane og Lofoten. I desember 2021 ba dei Næringsdepartementet om å få starte pilottesting, forankra i Nasjonal Reiselivsstrategi 2030 og Hurdalsplattformen.
Vil næringsministeren sørge for at UNESCO Vestnorsk fjordlandskap og Lofotrådet får eit snarleg dialogmøte med NFD i forkant av departementet sitt varsla lovforslag som skal ut på høyring over sommaren, slik dei no har bedt om?
Begrunnelse
Verdsarvrådet for Vestnorsk fjordlandskap, Vestland fylkeskommune, Møre og Romsdal fylkeskommune, Nordland fylkeskommune, kommunane Aurland, Lærdal, Vik, Voss Herad, Stranda og Fjord, Lofotrådet og kommunane Røst, Værøy, Moskenes, Flakstad, Vestvågøy og Vågan har i fellesskap bedt om eit slikt møte i brev til Nærings- og fiskeridepartementet dagsett 5. mai 2024.
Bakgrunnen for anmodinga er at regjeringa skriv i pressemelding om besøksbidrag dagsett 31. januar 2024 at regjeringa og NFD vil inkludere næringslivet og kommunane i det videre arbeidet. I tidslinja for det vidare arbeidet står det i pressemeldinga at regjeringa vil «..sende forslagene på høring over sommeren», og at regjeringa vil «..invitere næringsliv og kommuner til dialog og samarbeid om det videre arbeidet med lovforslaget».
Det er denne dialogen og samarbeidet med departementet som Verdsarvrådet for Vestnorsk fjordlandskap og Lofotrådet saman med sine samarbeidspartnarar no ønskjer å kome i gang med, med i forkant av at departementet presenterer eit ferdig lovforslag.