Eg viser til brev av 25. oktober 2011 frå Samferdselsdepartementet
om rettingar i Prop. 1 S (2011–2012) for Samferdselsdepartementet.
Det er oppdaga nok ein feil i teksten. Rettingane går fram av Prop.
1 S (2011–2012).
I tabellen nedst på side 150 over meirkostnader ulønsame
posttenester er det i dei to øvste linene brukt feil tekst. Posten
har lagt til grunn at tenestene som skal inngå i utrekningane, er
tenester som selskapet ikkje ville ha utført dersom det sjølv kunne
velje tenestenivå. Samferdselsdepartementet er einig i dette grunnlaget.
Riktig tekst for dei to første linene i tabellen skal vera:
(i mill. kr)
Lørdagsomdeling for 100 pst. av husstandene | 321 |
3 omdelingsdager for 5 pst. av husstandene | 150 |
Resten av tabellen er uforandra.