I Prop. 1 S (2011-2012) for Samferdselsdepartementet
er det nokre feil. Rettingane går fram nedafor. Desse rettingane
påverkar ikkje framlegget til vedtak frå regjeringa slik det går
fram av Prop. 1 S (2011-2012).
På s. 53 blir det i siste avsnitt i første spalte
lista opp prosjekt som regjeringa tek sikte på å vurdere bompengeproposisjonar
for i 2012. Eitt av prosjekta som er nemnt, er E6 Vegpakke Helgeland,
første etappe (Mo – Bolna) i Nordland. Her skal det stå: E6 Vegpakke
Helgeland, første etappe, i Nordland.
I tabell 4.1 på s. 61 skal talet på km vegnett
med gul midtstripe i kolonnen ”forslag 2012” vera 17 km og ikkje
15 km som det står no.
I teksten under tabell 4.1 står det i siste
setning i første avsnitt i første spalte: ”Det er ventet at 10 km
vil bli ferdig utbedret i løpet av 2012.” Talet skal vera 17 km.
I første avsnitt i andre spalte under tabell
4.1 står det i andre setning at det i 2012 skal etablerast om lag
18 km med forsterka midtoppmerking. Talet skal vera om lag 25 km,
jf. tabell 4.1.
På s. 97 skal det i overskrifta i første spalte
stå: E6 Dal – Minnesund og Skaberudkrysset, ikkje ”E6 Dal – Minnesund
og Skaberudkrysset (Fellesprosjektet E6 – Dovrebanen)”.
I teksten i pkt. 5.2.1 Framkome og regional
utvikling, på side 164 under tabell 5.4 har nokre liner i første
og andre spalte blitt bytta om. Det skal stå:
”I 2011 vil prosjektet Barkåker – Tønsberg og det
nye dobbeltsporet mellom Lysaker og Asker på bli ferdig. Det er
venta at dette vil gi ei reisetidsgevinst på 5 minutt på strekninga
Oslo – Skien i 2012. Det er også teke omsyn til framtidige faste
stopp på Sandvika for InterCity-toga.
Gevingåsen
tunnel blei teken i bruk i august 2011. Dette kan i framtida redusere
reisetida på strekninga Trondheim – Bodø med om lag 5 minutt. Reduksjon
i reisetida er avhengig av tilpassingar i ruteplan og nye kryssingspunkt/-spor.”
I omtalen i pkt. 6.7 Omtale av tilsetjingsvilkåra for
leiarar i heileigde statlege verksemder, på s. 201 er opplysninga
om den årlege pensjonskostnaden for konsernsjefen i NSB AS ikkje
fullstendig. Den årlege pensjonskostnaden på 680 000 kr som det
er opplyst om i Prop. 1 S (2011-2012), gjeld pensjonskostnader ut
over 12 G. Pensjonskostnaden for inntil 12 G av løna utgjer 110 000
kr. Dette inneber at den årlege pensjonskostnaden for konsernsjefen
i NSB er på i alt 790 000 kr.