Kulturdepartementet legg med dette fram den årlege stortingsmeldinga
om verksemda på medieområdet i 1997. Grunnlaget
for meldinga er i hovudsak årsmeldingane frå allmennkringkastarane,
Statens medieforvaltning og Allmennkringkastingsrådet.
I tillegg til årsmeldinga, har NRK utarbeidd ein eigen
allmennkring-kastingsrekneskap. Desse dokumenta følgjer meldinga
som uprenta vedlegg.
Med å syna til handsaminga i Stortinget
av St.meld. nr. 62 (1997-98) legg departementet til grunn at kulturministeren
i staden for dei årlege meldingane munnleg bør
gjere greie for aktuelle mediepolitiske spørsmål
for Stortinget. Dette bør skje i vårsesjonen dersom
det er praktisk mogleg.
Departementet opplyser at det kjem attende til
fleire spørsmål i eigne saker. Dette gjeld m.a.
– Spørsmålet
om forbod mot reklame for politiske parti og livssyn.
– Endringar i kringkastingslova
som følgje av endringar i EØS-avtalens fjernsynsdirektiv.
– Endringar i regelverket om sponsing
av kringkastingsprogram.
– Spørsmålet
om kva for rammer som skal gjelde for Norsk rikskringkastings kommersielle
verksemd.
– Digital fjernsyn.