Departementet meiner ein for radiotilbodet frå NRK må leggje
programinnhaldet i alle kanalane samla til grunn for å vurdere
om tilbodet følgjer prinsippa for allmennkringkasting.
Ut frå vurderingane til Allmennkringkastingsrådet
for 1997 kan ein slå fast at radiotilbodet til NRK samla
sett følgjer prinsippa for allmennkringkasting.
Departementet skal likevel trekkje fram eit
par av dei kritiske merknadene frå Allmennkringkastingsrådet. Rådet
peikar m.a. på at flyttinga av radiosendingane på innvandrarspråk
frå radioen til fjernsynet no inneber at det i det heile
ikkje er sendingar på innvandrarspråk i NRKs radiosendingar.
Rådet peikar òg på at det knapt er sendingar
på samisk i landsdekkjande sendingar i dei tre kanalane.
Vidare peikar rådet på at nynorskprosenten i radiosendingane
er for låg.
Departementet er samd med rådet i deira
påpeikingar, og har teke dette opp med NRK.
På grunnlag av rapporten for 1997 frå Allmennkringkastingsrådet
kan departementet slå fast at NRK1 i det store og heile
følgjer prinsippa for allmennkringkasting.
Departementet er samd med Allmennkringkastingsrådet
i at nynorskprosenten er for låg og at bruken av sjølvstendige
norske produksjonsselskap bør utvidast. Departementet har
teke det opp med NRK.
I høve til NRKTO seier Allmennkringkastingsrådet m.a.
følgjande:
– "Programkategorien
"skole, universitet, utdanning" bør ikke forbli tom i en
kanal vendt mot ungdom.
– Kategoriene "natur og vitenskap"
og "religion og livsfilosofi" bør utvides.
– Kanalen har rikelig med ungdomsprogram,
men mangler barneprogram.
– Kanalen har sendinger på innvandrerspråk,
men mangler sendinger på samisk.
– Programlegningen bør
inkludere flere sendinger som reflekterer hovedstrømninger
i unge menneskers populærkultur, inkludert pop- og rockemusikk.
– Nynorskprosenten er altfor lav
(11,1 prosent).
– Bruken av uavhengige norske
produsenter bør utvides, jf. ovenfor om NRK1."
Også på desse punkta er departementet
samd med Allmennkringkastingsrådet. Saka er teke opp med NRK.
Allmennkringskastingsrådets rapport
for 1997 inneheld fleire kritiske synspunkt på programprofilen
i TV2. Rådet uttaler m.a. følgjande:
"Det er ikke godt nok samsvar mellom det totale programtilbudet
og TV 2s løfte om å "... legge vekt på å markere
at vi er noe annet og mer enn en satellitt- og kabelkanal for utenlandsk
masseprodusert underholdning". Over halvparten av sendingene består
av drama, praktisk talt alt innenfor den lettere genre.
TV
2 lever ikke opp til sine løfter i konsesjonsøknaden
om egne program om kunst og kultur, også for smalere grupper
av seere. Dekningen utenom nyhetssendinger og aktualitetsprogram
bør også styrkes/utdypes på følgende
områder:– vitenskap/forskning
– internasjonale forhold utenom
typiske nyhetssaker
– området religion og
livsfilosofi, særlig utenom kristen religion/forkynnelse."
Rådet seier vidare:
"Rådet finner for øvrig grunn til å gjenta
sin etterlysning av programmer som de følgende:
Program
for den samiske befolkningen. TV 2 er juridisk forpliktet av konsesjonsvilkårene
til å levere sendinger spesielt for den samiske befolkningen,
men har heller ikke i 1997 overholdt dette. TV 2 anfører
i sin årsmelding at en i stedet har valgt å sende
et av Arne Hjeltnes "Gutta på tur"-program fra de samiske områdene
i Finnmark.
TV 2 drev heller ikke i 1997 med teksting
for hørselssvekkede, og har heller ingen spesielle tilbud
for denne ganske store publikumsgruppen.
Rådet
mener det er særlig beklagelig at tilbudet om barneprogram
er begrenset til helgene. Det burde for lengst vært utvidet
til hverdagene.
Det mangler regelmessige ungdomsprogram
av andre slag enn popvideopresentasjon og lett drama."
Departementet har i brev dagsett 15. juli 1998
teke m.a. desse fråsegnene frå Allmennkringstingsrådet opp
med TV2. I brevet har departementet vidare peika på at
så vel departementet som Stortinget fleire gonger har
føresett at kanalen må leggje vinn på å følgje
dei prinsippa som gjeld for allmennkringkasting. I denne samanhengen
er det synt til St.meld. nr. 12 (1996-97) Kringkasting og dagspresse
1995 m.v., Innst. S. nr. 138 (1996-97), St.meld. nr. 62 (1996-97)
Kringkasting og dagspresse 1996 m.v. og Innst. S. nr. 103 (1996-97).
TV2 har svara departementet i brev dagsett 19. august
1998. Brevet følgjer meldinga som uprenta vedlegg. Departementet
gjev att nokre avsnitt frå brevet til TV2 på s.
4-5 i meldinga.
Kulturdepartementet følgjer no som
konsesjonsgjevande organ opp saka andsynes TV2. Departementet syner
såleis her berre stutt til nokre prinsipp som departementet
legg til grunn i den vidare oppfølginga.
Departementet meiner det klårt må leggjast
til grunn at når konsesjonsvilkåra slår
fast at "Allmennkringkastingsprogrammene skal bidra til å styrke
norsk språk, identitet og kultur", inneber dette at det
må sendast eigne program innanfor desse kategoriane. Det
er ikkje tilfredsstillande i høve til konsesjonsvilkåra
berre å sende stutte kulturinnslag i andre program.
Når det gjeld program for smale grupper
og minoritetar, heiter det følgjande i punkt 6 nr. 3 i
konsesjonsvilkåra:
"Sendingene skal over tid inneholde en variert programmeny
med program for så vel brede som smale seergrupper, herunder
den samiske befolkningsgruppe og minoriteter."
Det er ikkje mogleg å lese dette på anna
vis enn at det skal sendast eigne program både for den
samiske befolkninga og minoritetar. Det følgjer også av
dette punktet i konsesjonsvilkåra at det skal sendast program både
for breie og smale sjåargrupper. Anten ein reknar born
som ei brei eller smal sjåargruppe, er det klårt
at vilkåra fastset at det skal sendast program for born.
Reint allment legg departementet til grunn at
korkje av økonomiske eller andre årsaker finst
det grunnlag for at selskapet ikkje betre skal oppfylle konsesjonsvilkåra
når det gjeld program for born.
Departementet ser det ikkje som aktuelt å gjere
framlegg om endringar i reglane om reklame eller sponsing av program
for born, jf. kommentaren frå TV2. Som departementet fleire
gonger har peika på i ulike samanhengar, er det dei samla
inntektene til allmennkringkastarane som må finansiere
dei programtypane som skal sendast. Dette gjeld uavhengig av om
det er høve til å sende reklame eller sponsing
i tilknyting til visse programtypar eller ikkje.
Årsrapporten frå Allmennkringkastingsrådet
for 1997 inneheld fleire kritiske merknader til programprofilen
i P4. Rådet uttaler m.a. følgjande:
– "Bruken
av reportasje og andre mer ressurskrevende radiogenre enn studioinnslag,
telefonintervjuer og platespilling bør utvides.
– Dekningen av kunst og kultur
bør klart styrkes.
– Kategorien "religion og livsfilosofi"
bør utvides til å omfatte annet enn kristne andakter.
– Forekomsten av analytiske, kritiske
og fordypende perspektiv er for liten utenom de utvidede nyhetssendingene.
– P4 anses ikke å leve
opp til sitt klare løfte i konsesjonssøknaden
om "å satse på såkalte nisjeprogrammer
for spesielt interesserte minoritetsgrupper".
– P4 lever heller ikke opp til
sine løfter i konsesjonssøknaden om å reflektere
det språklige mangfoldet i landet. Det mangler sendinger
på nynorsk, samisk og innvandrerspråk.
– Den internasjonale dekningen
utover de typiske nyhetssakene bør styrkes.
– P4 kan ikke sies å ha
en musikkprofil som innfrir løftet fra konsesjonssøknaden:
"Stikkord for musikkprofilen må være mangfold,
med røtter i vårt levende norske musikkmiljø".
– P4 lever ikke opp til løftene
i konsesjonssøknaden om kulturdekning: "RHN (P4 Radio Hele
Norge) vil satse på kultur ved å "ta pulsen" på hele
Norges yrende kulturliv i vid forstand. RHN ser muligheter til å sende
lokalproduserte kulturprogrammer i samarbeid med nærradiostasjoner".
– Tilbudet av barneprogram bør
utvides til å gjelde flere dager i uka."
Kulturdepartementet har i brev dagsett 3. august 1998
til selskapet m.a. synt til desse utsegnene , og har bede P4 om
kommentarar.
P4 har svara departementet i brev dagsett 18.
september 1998. Brevet følgjer meldinga som uprenta vedlegg.
Departementet gir att nokre avsnitt frå brevet på s.
6-7 i meldinga.
Kulturdepartementet følgjer som konsesjonsgjevande
organ saka opp andsynes P4. Konsesjonsvilkåra inneheld
eit klårt krav om at det skal sendast program for den samiske
befolkningsgruppa og for minoritetar. Til no har P4 ikkje følgt
dette opp. Rapporten frå Allmennkringkastingsrådet
syner òg at det er eit stykkje att før P4 fullt
ut kan seiast å fylle alle prinsippa som gjeld for allmennkringkasting.
Reint allment legg departementet til grunn at
korkje av økonomiske eller andre årsaker finst
det grunnlag for at selskapet ikkje skal følgje konsesjonsvilkåra
på alle punkt.