I kapittel 2 blir det gitt generell informasjon
om finansinstitusjonane og om utviklinga i finansmarknaden. I kapitlet
omtalar ein vidare den finansielle stabiliteten. Kapittel 3 handlar
om hovudtrekka i regelverksutviklinga og dei viktigaste enkeltsakene
som departementet og Kredittilsynet behandla på finansmarknadsområdet
i 2004. Kapittel 4 omtalar verksemda til Noregs Bank i 2004, og
inneheld mellom anna ei vurdering av utøvinga av pengepolitikken. Omtalen
av verksemda til Noregs Bank er pålagd ved lov, jamfør
sentralbanklova § 30. Kapittel 5 inneheld ein omtale av
verksemda til Kredittilsynet i 2004. Omtalane i kapittel 4 og 5
byggjer i stor grad på årsmeldingane frå institusjonane.
Kapittel 6 tek opp verksemda til Folketrygdfondet i 2004. Kapittel
7 omtalar verksemda til Det internasjonale valutafondet (IMF). Årsmeldingane
frå Noregs Bank, Kredittilsynet og Folketrygdfondet for
2004 følgjer som utrykte vedlegg til meldinga.
Komiteen, medlemene frå Arbeidarpartiet,
Ranveig Frøiland, Svein Roald Hansen, Tore Nordtun, Torstein
Rudihagen og Hill-Marta Solberg, frå Høgre, Svein Flåtten,
Torbjørn Hansen, Heidi Larssen og Jan Tore Sanner, frå Framstegspartiet, Gjermund
Hagesæter, leiaren Siv Jensen og Per Erik Monsen, frå Sosialistisk Venstreparti, Øystein
Djupedal, Audun Bjørlo Lysbakken og Heidi Grande Røys, frå Kristeleg
Folkeparti, Ingebrigt S. Sørfonn og Bjørg Tørresdal,
frå Senterpartiet, Morten Lund, frå Venstre, May Britt
Vihovde, og frå Kystpartiet, Steinar Bastesen,
tek dette til orientering.