Olav Akselsen (A): Kva har statsråden føreteke seg for å sikra vidareføring av NOx-reduksjonsprogrammet i samsvar med det Stortinget vedtok ved handsaminga av statsbudsjettet for 2004?
Grunngiving
I statsbudsjettet for 2004 blei det vedteke å satsa på ei opprusting av skipsflåten gjennom ei vidareføring av NOx-reduksjonsprogrammet. Gjennom budsjettforliket mellom regjeringspartia og Arbeidarpartiet, kom det til ein ny budsjettpost på 10 mill. kr til NOx-reduksjonsprogrammet. Fleirtalet la vekt på at midlane skulle nyttast til tiltak som har best kost/nytte i forhold til Sjøfartsdirektoratets tiltaksanalyse, og til tiltak som gir dokumenterbare varige løysingar og der EIAPP-sertifikat kan utskrivast. Vidare skulle tiltak som, i tillegg til NOx, også gir CO2-reduksjonar, prioriterast. For å bidra til sysselsettinga i norsk verftsindustri, ba fleirtalet Regjeringa syta for at tiltak og utføring i størst mogleg grad vert knytt opp mot norske produkt og norsk verftsindustri.