Dokument nr. 15:1200 (2017-2018) Innlevert: 19.03.2018 Sendt: 19.03.2018 Svart på: 23.03.2018 av landbruks- og matminister Jon Georg Dale
Geir Pollestad (Sp): I regjeringsplattforma til H, Frp og V går ein inn for å innføra eit næringsforbod for pelsdyrnæringa.Kor mange færre skinn av mink og rev vil det verte omsett på verdsmarknaden som fylgje av dette?
Jon Georg Dale: I Meld. St. 8 (2016-2017) er det oppgitt tal for omsetnad av norske skinn gjennom auksjonshusa i Finland og Danmark i 2015. Det vart selt over 59 tusen sølvrevskinn, over 51 tusen blårevskinn og 811 tusen minkskinn.Det står også at den norske produksjonen av reveskinn utgjer under to prosent av verdsproduksjonen, og at den norske produksjonen av minkskinn utgjer om lag ein prosent av verdsproduksjonen.